Mah bantuk caan chia lio ah vawlei cung a a kal ning hi lungtling kho a si hrim lo e. A cheu caah cun rumnak pei a rak si ko hi ta

Coronavirus Ruangah A Rum Chinmi Hna. Coronavirus ruangah harnak a phunphun kan ton lio ah Coronavirus ruangah a rum chinmi zong an rak um ve thiamthiam. Mah hna lak ah a hlei in a rum chinmi hna cu, Amazon moguls Jeff Bezos le a nupi hlun, MacKenzie Bezos, Tesla boss Elon Musk le Zoom CEO Eric Yuan hna an si.

Amazon dirhtu le ngeitu Jeff Bezos cu Coronavirus a chuah thawk in atu tiangah billion 25 renglo a ngeihmi a chap. Coronavirus ruangah US ah Stay At Home le Lock Down order an chuah tik ah minung tampi nih online le delivery in thil an cawk. Mah ruangah a rum chinnak a si. Atu a ngeihmi hi 144.5 billion bak a phan cang. A nupi hlun, MacKenzie Bezos zong virus zawnak ruangah ah 3.5billion a kai ve. Atu lio a ngeihchiah 47.1 billion a phan ve.

Virus ruangah a thangcho bikmi pahnihnak cu Tesla CEO and SpaceX founder le CEO Elon Musk a si. Virus zawtnak a chuah chungah 5.4 billlion renglo a ngeihchiah a karh. Tesla hi motor thilri a chuahmi an si nain coronavirus a rak chuah tik ah coronavirus thlopnak medical equipment pawl a sertu an si. Mizaw hna nih an hmanmi, Ventilators tam bik a sertu an si.

Virus ruangah a ngeihchiah a kharh chinmi a pathumnak cu Eric Yuan a si. Zung vialte, sianginn vialte, company vialte khar dih a si tik ah online in meting, conference le biaruahnak tuah a si. Cucaah atu lio ah an hman bikmi, ZOOM ngeitu Eric Yuan cu a hlan nak in a let deng in a ngeichiah a thang. A ngeihchiah 2.58 billion bak a kharh ve.- Salai Lairamthang

Be the first to comment on "Mah bantuk caan chia lio ah vawlei cung a a kal ning hi lungtling kho a si hrim lo e. A cheu caah cun rumnak pei a rak si ko hi ta"

Leave a comment

Your email address will not be published.


*


error: Content is protected !!