Malaysia Ah Chin Tlangval A Ih Nak In A Ruak An Phawh

Malaysia, Cheras Taman Megah i a um mi Chin tlangval kum 27 mi cu zan a ih nak in zinglei tho kho ti loin a nunnak a liam. Chin ramkulh, Paletwa, Kyaing Htin Wa khuami a si.

U Mon Aung le Daw Pyi Aung i an fapa Aik Nwe De Aung a si, Malaysia ram ah riantuan in a um mi a si. Room pakhat ah amah lawngin a um i, tuzing riantuan zat i a thawh rih lo ruang ah a hawipa Ai Nang nih a va thawh i a ruak in a rak um cang tia Khumi thawngpang ah chimnak a nei.

A room chung i pangka cu arak ong ko ti a si. A ruak cu HUKM siizungpi ah an phur i check nak an neih cuahmah lio a si, cuticun a ruak an check dih hnu long ah a ruak vuinak programe cu an tuah te lai ti a si. Paletwa Khumi Community (PKC) pawl nih a ruak sizung check nak kong le vuinak ding programe pawl cu an buaipi cuahmah lio a si.

Ṭuanvo neitu pakhat Aik Lwin Lwin nih “Thla 5 chungah Malaysia i a um mi Khumi Community in minung 6 an thi cang. Covid-19 i a thi mi cu an si loh. ngandam nak that lo ruang ah le tu bantuk i a it i a tho tilo mi deuh hi an si tiah a ti. (Khumi Media Group)

Credit : Meifar

Be the first to comment on "Malaysia Ah Chin Tlangval A Ih Nak In A Ruak An Phawh"

Leave a comment

Your email address will not be published.


*


error: Content is protected !!