Chinmi, Malaysia cozah le UNCHR nawl ngai lo ruangah palik nih an tlaih mi hna; An cungah thil a tlung ding mi hi zaangfah bak an si

Chin mi kan fim/ralrin deuh nak caah si hram ko seh, Mah bantuk tiang an tawn lo nak ding caah thlacam fakpi in bawm ko hna u si. Cozah le UNHCR nih mah bantuk thil tuah lo dingin thatein theihterhnak a tuah hnuaah nawl ngai loin volley ball an beng caah palik nih an tlaih hna. Mah bantuk in nawl ngaih lo mi hna hi cozah nih thawngthanna a tuah cangi a tlawm bik a thla 3-6 tian thawnginn a chia khawh an si. UNHCR lei zong ttuan vo lak kho a si ti lai lo. Aruang cu UNHCR lei nih mipi singah cozah ngawlngaih ding in theihterhnak an tuah dih cang. Mah bantuk theihterhnak an tuah cang mi, nawl ngai lo in an mah le duh poh in an um mi cu UNHCR lei zong nih ttuanvo lak an nih tim lai lo. A poi tuk mi a si. Nawl ngailo cu UNHCR lei zong nih ttuanvo lak an duh lailo ti kha a fiang cang ko. UNHCR lei nih cozah nawl kha thatein ngai ding a si tiah thil sining faingtein an chim cang ko buin mah bantuk thil an tuah mi hi cu an caah a poi tuk mi thil a si. Cucaah Chinmi, hmun dang dang ah um mi hna, kan umnak cozah nih nawl a chuah cang mi hi thatein zul i zuam hna u sih. Cu cu kan mah pumpak caah thil tha  si hlei ah kan miphun ca zong ah thil tha a si

Be the first to comment on "Chinmi, Malaysia cozah le UNCHR nawl ngai lo ruangah palik nih an tlaih mi hna; An cungah thil a tlung ding mi hi zaangfah bak an si"

Leave a comment

Your email address will not be published.


*


error: Content is protected !!