Mandalay Phungki (Monk) thil tuah mi cu uar um tak tak, Pasal bak si ko

Min Aung Hlaing nih ni 60 hrawng aa na hmangin uknak a lak hnuah, mipi lei nih heh tiah an duh lo ning an langter peng i, tu tiang Rangon, Mandalay le Kalay ah cun buainak a chuak peng

Zahan ah CHRP nih kawlram phunghrampi (Constitution) cu thah a si cang. Hmang ding a si ti lo tiah thawngthanhnak an tuah hnuah kawlram chungah rian tuan an nih tim ning an phuan chi.

Mah bantuk thawngpang thei cu mipi caah a nuam tak tak, Natein Min Aung Hlaing lei kal nih zeibantuk thil an tuah lai ti hi zoh lio a si

Mah bantuk in CHRP nih thawngthanhnak an tuah hnuah, Mandalay Monk pakhat nih kawlram phunghrampi 2008/Constitution cu mipi caah zeihman a si ti lo hnawm men men a si cang tiin mei ah a peih

Atu hi kum 2008 nak in tha deuh mi phunghram pi ngei ding in lam kawl cuamah lio a si. Mah hi April in thawk a si lai.

Mah bantuk in kum 2008 phunghrampi dawngter a si cang mi cu a hlei in tlangcung mi caah thawngtha tuk mi a si. Credit-TheIrrawaddy

Aruang cu phunghrampi thar serh a si hnuah Federal Democracy (mah le state cio i, uknak) a chuak ve lai. Mah hnuah chin State zong nih heh tiah CNF nih an rak buaipi peng mi Federal cu tlam a tling ding a si.

Thawngpang ka tial mi hi source zumtlak mi nih an tial mi lawng ka post tawn. Cu caah thawngpang a hman lo mi le a dik lo mi, mipi sin ah thanh le tial hi kan chin miphun caah thil thalo a si caah tial ka tim lo. Chinpage thazang a ka pe tu vialte nan sin ah lunglawm bia ka chim. Chinpage hi like le follow vun tuah ve law, US thawngpang le vulei cung thawngpang a hman mi ka post mi na rel khawh peng lai. By-ChiefEditor

Be the first to comment on "Mandalay Phungki (Monk) thil tuah mi cu uar um tak tak, Pasal bak si ko"

Leave a comment

Your email address will not be published.


*