Media pawl nih ka nung bu in ei dih an ka duh tiin President Trump nih Media pawl nih an tuah ning a chim

President Trump le Media pawl an nih doh ning cu President a rak si hlan ah thei cia a si, natei mah bantuk in President hi Media pawl nih an tuah lai tiah a zum mi cu an tlawm ngai. Media pawl nih President Trump an tuah ning bantuk in President a rak si cia mi ah an rak tuah bal lo. Natein President Trump cungah an tuah mi cu a luangtuk cang tiah mi tampi nih an ti cang.

Trump chim mi cu a hman tuk hrinhrang, USA mipi tampi cu an nih fiang tak tak cang ko lai hi. Fox News Channel hosts Bret Baier & Martha MacCallum nih  virtual town hall Sunday night, Lincoln Memorial ah American mipi nih via video hmang in President Trump bia halnak an tuah. Mah caan ah hin Vice President Mike Pence , Treasury Secretary Steven Mnuchin suimilam cheu an tel pi ve. Commercial breaks lio ah, Hope Hicks le new Chief of Staff Mark Meadows, president’s new press secretary, Kayleigh McEnany, he biaruahnak an ngei

President Trump nih ruahchannak tampi a ngei… 2020 ah hin mah coronavirus sii hi an ser khawh hrim lai tiah a zum i, mah sii serkhawhnak ding caah Johnson & Johnson le companies dang dang nih fakpi in rian an ttuan lio a si. Vaccine hi kan ngei hrim hrim a hau. USA, Australia, UK he fakpi in rian kan ttuan lio a si. Minung cungah hnesaknak (Human Trials) tuah ding in lungretheinak pakhat hman a um lo. Volunteer in a pek mi an tam ngai tiin a chim. Therapeutics tal cu kan ngei a her tiin a chim

The Democrats, the radical left, nih cun a zawtmi pawl an damnak in cun thi seh tiah an duh deu bantuk in ka hmuh. A ruang cu Democrats pawl nih hin minthatnak ka hmuh sual lai ti an phan tuk i, rian ttuan khawh lo in tuah an ka tim peng. American caah rian ka ttuan khawh lonak ding caah fakpi in an nih zuam. Rian fakpi in ka ttuan ah cun ka min a that lai i cu cu Democrat pawl nih an tih tuk mi thil a si.

President dang nih an rak tawn bal lo ning bantuk in kei cu Press/Media pawl nih fakpi in an ka doh i, US caah rian ka ttuan mi zeihman an langter duh lo. Ka tuah sual mi le ka mualpho khawhnak ding lam lawngte an kawl i, Lincoln nak in keimah hi an ka soisel in an ka thangchiat deuh in ka thei. Mah bantuk in a ka soisel mi pawl le a kan thangchiat mi pawl sin ah tawidawr tein um ning law, ka nung bu in an ka ei dih cang lai” tiah a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Media pawl nih ka nung bu in ei dih an ka duh tiin President Trump nih Media pawl nih an tuah ning a chim"

Leave a comment

Your email address will not be published.


*


error: Content is protected !!