Midang Nupi A Ihpi Lio Bak Ah An Khuachung Mipi Nih An Va Tleih I Vokbawm An Khumh Hnu Ah Tiva Ah An Va Hlonh Bak Ko Hih A Phu Ve Hrimhrim (+Video)

China ram , Guangdong Province ,Dianbai i thil a cang mi cu mipi khuaruah a har ter dih i online chung ah a lar tuk hrunghran. Midang nupi a uhpi tupa cu an khuachung mipi pawl nih an tleih i vok khumh nak bawm ah an khumh i tiva ah an va hlonh.

Khuachung mipi nih an tleih lio ah cupa cu mi nupi a ihpi lio i ai hruk mi bawngbi chungnawh te ai hruk lio a si. Cu bak ah cun khuachung mipi vialte nih an vuak i an kut an thlak chih len. fak taktak in an vuak i a hnar ah thisen tamtuk a chuak. An velh hnuah a kut le ke cu hri in an tem i vok chiah nak bawm chung aha an khumh. Cupa nih cun tap pah in ngaithiam a hal tuk hna natein, mipi nih zeihmanh ah an relpiak yi loh i an zawnh chih i tiva ah cun an va hlonh.

Thil cang mi vialte cu palik nih an van theih tik ah a rianran nak in an va kal hnawh hna i, khua mipi nih vok bawm i an chiah i tiva ah an hlonh mi pa cu an va zoh tik ah a thaw a rak dih manh hlan ah an va chanhchuah. Mipi kuttuar mi cu hliamhma a tuarna tuk lo tiah palik lei in an chim i thil cang mi he pehtlai in dothlat nak an neih cuahmah lio a si.

China ram khua cheukhat ah hi bantuk phunglam a hmang mi an um hrimhrim i, nu silole pa a ho poh a uire mi an um a siah cun, vok bawm ah an khumh hna i tiva ah an hlonh tawn hna. Tu ahcun cozah lei nih cu bantuk hrem nak cu an khap cang nain, palik lei nih an theih hlan ah a rak tuah manh mi minung an rak um manh lengmang ti a si. Credit. : Vapual Auaw

Be the first to comment on "Midang Nupi A Ihpi Lio Bak Ah An Khuachung Mipi Nih An Va Tleih I Vokbawm An Khumh Hnu Ah Tiva Ah An Va Hlonh Bak Ko Hih A Phu Ve Hrimhrim (+Video)"

Leave a comment

Your email address will not be published.


*