Min Aung Hlain duh lo bik mi PPTS nih thawngthanhnak an tuah ve

Min Aung Hlain thil tuah ning cu a duh lo mi an kar chin lengmang cang. Zarh hnih leng lamzawhnak ngei a si cang. PPST nih thawngthanhnak an tuah ve cang.

An chim mi cu, Mipi CDM kan dirpi hna lai i, Ralkap cozah he, i chonhnak kan rak ngei tawn mi vialte cu kan dawngter cang lai, ralkap he zeihman i chohnak kan ngei ti lai lo tiin thawngthanhnak an tuah

Ralkap nawlngeinak vialte kan doh lai i, mipi lei kan dir cang lai, ralkap cozah heh National Administrative Council ah political dialogue kan ngei tawn mi vialte cu kan dawngter dih cang lai tiin PPST nih thawngthanhnak an tuah

NCA ah daihnak le remnak ser ding in minthutnak a tuah cang mi Taiyintha buu 10 nih nih cozah he political dialogue kan tuah ti lai lo ti thawngthanhnak an tuah cang.

An chim chap mi cu, Mipi bawmh an hernak kip ah kan bawmh hna lai i, mipi lei ah kan dirpeng lai. PPST nih a chim ning a cun,

NCA he remnak le dainak ser ding in biakamnak an rak tuah mi pehzul cu thil sikhawh lo mi a si cang tiin an chim

Mah bia hi, PPST buu ah a tel mi member pakhat ABSTF chairman Yebaw Than Khe nih a chim mi a si “NCA cu mipi cozah, Hluttaw (parliament), Tatmadaw (sipai) he rian tuanti nak a si, buu pakhat lawng he biakamnak a si lo tiin a chim

Ralkap pawl nih aa na hmang in uknak an lak caah, Political Dialogue cu ruahchannak a um ti lo ti khawh a si cang tiin Than Khe nih a chim. PPST nih a thanh ning a cun, lamzawhtu hna mah bantuk in ralkap nih meithal hmangin fakngai in a kah hna caah an duh lo nak fakpi in an langter

Cun, kawlram chungah, ralkap uknak a dawngter a si khawhnak ding caah le kawlram chungah politic kongah buainak hi dawngter a si khawhnak ding caah a her ning tein rian tuan a si lai i, Cun ramchung le ramleng lei buu tampi he rian tuan ti a si lai tiin a chim. Credit: Mizzima

Be the first to comment on "Min Aung Hlain duh lo bik mi PPTS nih thawngthanhnak an tuah ve"

Leave a comment

Your email address will not be published.


*