Mindat lei an thil tuah mi uar um tuk caah Hakha, Thantlang le falam an mualpho bak cang

Mah hi mi tampi nih social media ah an tial cang caah tial a phu ngai mi a si caah ka vun tial mi a si. Kan thei cia bantuk in Min Aung hlaing le a uico pawl, misual, Mipi kilven tu caah rian a tuan mi nih mipi kilven lo in mipi tu hna kha heh tiah an tha thluamah hna. Chinmi tampi an thi ve cang i, tampi an tlaih cang hna, Mah bantuk thil a si caah Mindat mino nih an celh ti lo caah an duh lo buin thil tuah a her cang caah SAC ralhrang hna cu ceilak in an thuat ve cang hna i, ralkap lei minung 15 an thah khawh hna.

Mah lawng si lo in ralhrang motor 3 zong ceilak in an khanh rih. Mah kongah mi tampi, a hlei in ramdang ah um mi nih an hmuh ning an vun langter cang, Mah lawng si loin, Laitlang ah um mi zong nih an hmuh ning le an lungput an vun langter bak ve cang.

Midang nih, ” Kan mah Hakha, Thangtlang lei tu hi kan ram chieah deuh tu Khakah ah cun Sandah an iah ngam ti lo. Mindat lei nih an kan tei tuk, “tiin an tial. Midang nih “Kan chin chung ah cun paraltha kan nin bochan bak hna, Pathian nih umpi zungzal ko hna seh. Kan nih Hakha, Falam le Thantlang lei tu hi a ral chia mi kan tam deu ko ruah,” tiin an  chim

Mi tampi nih “paraltha caan a si, kaa longlong chim caan a si ti lo”, tiin Mindat mino pawl an thil tuah ning an uar ning an chim i. Midang nih, an chim than mi cu “Mindat lei cu an dai ti lai lo Chin mi chung hrim in Mindat le Matu kanpalet cu mihuaisen paraltha hna lennak ram a si” tiin an chim

A dang nih, Hi bantuk pawl hi 5star pek phu an si” tiin Mindat mino an uar ning an langter. Midang nih, ” Mindat mino hna hi kan mah le ti khawh ning cio in kan unau Mindat hna zuan hnawh ding ready cia kan hau ko lai hih” tiin an chim Midang nih “Thlanglei Laimi ko hi an ngamh deuh rua” tiin an tial. Mi tampi nih Hakha, Thantlang le Falam lei hna hi Minda lei mino nak in an ralchia deuh tiah an hmuh hna.

Nan hmuh ning comment ah vun tial ve, Mah hi a hman mi a si tiah na hmuh ve maw.

Be the first to comment on "Mindat lei an thil tuah mi uar um tuk caah Hakha, Thantlang le falam an mualpho bak cang"

Leave a comment

Your email address will not be published.


*