Minung pakhat nih kumkhat ah $75,000 tang a hmu mi sin ah $2000 bawmh an si lai

Nancy Pelosi nih Covid-19 ruangah, bawmhnak kong he pehtlai in, President Trump nih minung pakhat caah $600 in bomh si she tiah min thutnak a tuah hnuah Nikhat Ni ah hi bawmhnak hi

minung pakhat sin ah $2000 pek tthan ding in House ah kan passed lai tiah a chimcang kha (mah kong hi Chinpage ah ka rak ttial cang kha)

Atu cu thawngtha tuk mi a vun chuak than mi cu, Senate minority hruaitu Schumer nih fiangtein Twitter ah a vun ttial, langhter cang.

Donald Trump nih covid bawmhnak kong, minung pakhat ah $600 ah min thutnak a tuah ruang cu US shutdown a um tthan sual lai ti a duh lo caah a tuah mi kong fiangtein ka vun ttial cang kha

House ah mah covid bawmhnak $600 hi $2000 ah karhter a si nak ding caah vote ding in theihternak tuah a si cang. House ah vote a si hnuah Senate ah kuat tthan a si lai.

Hi bantuk in House nih tuah an itimh nak ruangh President Trump nih minung pakhat ah $2000 bawmh si seh tiah a duh ning alanghter ruangah a si

Minung pakhat nih kumkhat ah $75,000 tang a hmu mi sin ah $2,000 tiang bawmh si seh ti hi House control tu Democrat lei an duh ning cu a si. Trump nih $600 si lo in $ 2000 tiang si seh tiah a duhnak a langhter ruangah a si

Senate Minority Leader Chuck Schumer, D-N.Y nih a ruah  ning le a duh ning a chim ning ah cun, mah $2000 hi a tlamtling lai tiah a zumh ning a chim. House ah vote an lak lai i, Senate ah Democrat dihlak in kan vote lai. A duh lo tu kan um lai lo tiah a chim.

Senate hi Republican pawl nawlneihnak a si i, zeidah a lawh te lai? tiin bia halnak a tuah. Republican tampi nih Trump nih a duh ning $2000 hi a cohlang mi an

um ve caah minung pakhat ah $2000 bawmh ding si seh tiah a ti mi hi a tlamtling ko lai tiah zumh a si. Source-NBCNews

 

Be the first to comment on "Minung pakhat nih kumkhat ah $75,000 tang a hmu mi sin ah $2000 bawmh an si lai"

Leave a comment

Your email address will not be published.


*