Mithi Taksa Chunglei Pawl A Rak Zuar Tawntu Sibawi An Tleih Hna

China, Beijing khuapi i sibawi 6 nih mithi taksa chunglei i an thin, cuap ti bantuk pawl cu an phorh i blackmarket ah an zuar tawn ruangah an tleih hna tiah Daily Mirror ah thawngthanh nak an tuah.

Sibawi 4 hna cu cozah theihpimi sibawi thiam taktak mi an rak si i, Bengbu khuapi ah sibawi rian a tuan lio mi an si. Mithi 11 hna an taksa le cungril pawl cu an rak zuar cang hna. Hi an rak zuar cang mi mithi 11 hna cu motor accident i a thi mi le thluaklei pang i a tlamlting lo mi a thi mi pawl deuh an si tiah thawng theih asi.

Mithi chungkhar pawl sin ah cun mithi taksa cu midang hrang i hlut ding bantuk in, min an khenh ter hna. cuti cun lungtlin nak ca a lem a pek hna.

Asinain, cozah i official organ donor list chungah a nu min ai telve lo ruangah a khuaruah a har tuk i, hlethlai nak an tuah hnu ah thilcang mi cu an theih nak a si.

Shi Xianglin nih“Ka lungtlin nak tel loin ka nu thin le kal an phorhchuak” a ti. Sibawi 6 le Ambulance lem mawngtu cu palik pawl nih an tleih cang hna i, thawng ah an thlak hna. China ramah mithi & dam lo pawl i taksa chunglei a thli te in a rak zuar tu sibawi an rak um tawn.

Crd: Daily Mirror

Be the first to comment on "Mithi Taksa Chunglei Pawl A Rak Zuar Tawntu Sibawi An Tleih Hna"

Leave a comment

Your email address will not be published.


*