Mizoram “Biate Khua Tikhur” A Hrangmi Kong Ah Khuami An buai Tuk Cang (A Hnubik Thawngpang Rak Rel Than )

Mizoram Biate khua le East Lungdar khua karlak Biate khualuh laite ah hin khuami nih tha tein an tuahmi Tikhur tha ngai mi a si i khuami nih an auh ning ah cun Sakhi tikhur tiah an auh tawnmi a si .Hi tikhur ah hin mi tampi nih thil khuaruah har tampi an rak ton bal cang i cukawng cu kan rak tialmi a si .Hi kong kan tialmi hi a tawngtu bak nih an chim mi kan tial colh mi silo in a tawngtu nih an chim hnu ah a theimi sin in kan lak than mi a si ve caah kan palh nak tete zong a rak um khawh caah a sining a thei taktak tu nih kan palh nak a um sual ah cun nan rak kan ngeihthiam nak lai kan in nawl cia duh fawn hna.

No description available.

2011 kum donghlei ah a si i Biate khua in Khuazawl khua karlak PWP nih lam an siam lio a si i an lamsiam nak ah an hman mi rawra pawl hi vaipawl an phurh ter hna i nikhat ah voihnih hrawng hi an kir manh tawn i a voihnih nak an tlun lei ah cun an muih caan zong a um tawn i Biate khua an luh ah hin cun an mui ngaingai tawn ti a si .Nikhat cu vai motor mawng pakhat cu East Lungdar ah lungphur in a mah lawng a kal i a kirlei khua in a van i thawh ah hin a mui ngai cang i Biate khua luhlai Sakhi tikhur timi a phak ah hin cun a mui taktak cang ti a si .

No description available.

Sakhi tikhur a phak lai te ah hin lamchak lei in lung in an van cheh i vawlei tiset in an van vorh thluahmah i a mah lawng a si fawn tik ah a ningti tuk i rang deuh in ka tli lai a ti zong ah cun a motor cu rangdeuh in a mawng kho bak lo ti a si .Ruahlo pin lamlai ahb lung lian pipi cu an van tla tawn i lamchaklei a zoh cun zeihmanh a hmu fawn lo i cuti te cun a tihtuk bu cun duhsah tein a motor cu a mawngh peng ve i Biate khua cu a va phan kho hramhram .Biate khua pin cu a lan ngam tilo i Biate ah cun a riak i a thaizing lawng ah an lung chiahnak hmun ah cun a va kal than .A hawile cu a chimh ve hna i an tihtuk cio i minung pakhat lawngin lungphruh ah an kal ngam tilo i motor 5 hna an i zul tawn ti a si .

No description available.

Nikhat cu lungphur dingin motor (5) hrawng an i zulh than ah cun Eats Lungdar an phak hin khua a mui than cang i a hohmanh i kaltak lo te cun Biate lei cu an rak tlung than i Sakhi tikhur timi an phak bak cun lamchak lei cun vaipa a tonmi bantuk bak in lung an van vorh thluahmah than i , minung tamdeuh an si caah lungrual tak cun an motor chung cun an tum hna i na ngamh ah cun rak chuak na zeidah kan in sual i mah ti cun hna hnawh nak cu na kan pek an ti i an au i zeithawng hmanh an theih tilo caah kal cu an i tim than i motor cung cun an kai than hna .

No description available.

Asinain an lak ah an hawipa pakhat motor cu a nung kho bak ti lo , an lungdong tuk i a motor ai rawknak an van chek tik ah le zeihmanh a thatlo nak a um fawn lo tik ah an thilton mi cu a mak an ti i an i ceih cuahmah lio ah cun lamchaklei cun nungak pakhat aw thang pin a van nh thluahmah cu an theih i an tih taktak .An tih tuk bu cun motor cu an buaipi than i a donghnak ah cun a nung ve than kho i a ran nak in an tli colh i an lungphurh nak tiang cu tluang tein an va phan than i hi hnu cu zan ah cun lung an phur duh tilo ti a si .

No description available.

East Luangdar pa thilton : East Lungdar pa pakhat cu Khuabung lei ah office pakhat ah rian a tuan mi a si i East Lungdar in Khuabung hi KM 40 hrawng hla a si .Friday zanlei office an lawi hnu hin an khua lei ah tlaihnu in a tlungn tawn i monday zingka tein a riantuan nak Khuabung lei ah cun a kal than tawn .Bike tha mi te a ngeih caah Khuabung le East Lungdar khua karlak hi a rau tuk lem tawn lo .Nikhat cu voidang tawn bantuk cun friday zanlei in an khua khuabung lei ah cun a tlung than i ai thawh a tlai deuh caah Biate khua a phak hin a mui cang .Biate khua cun a van i thawh than i sakhi tikhur timi a phak bak cun a bike a tha ko mi cu ruahlo pin a thi diam ai .

No description available.

Khua le a muih ning a fak tuk i mui nih a chilh in a chilh i zeihmanh hmuh khawhmi ngeilo cun sakhi tikhur kam ah cun a mah pi lawng cu a dir ko .Culio ah cun lamchaklei hin minung aw bantuk aw phundang ngai a van theih i lamchaklei he lamthlang lei he mitin hmuhkhawh tunglo in mi zei nih dek rak ka kulh hna sehlaw cuko cu a lo .Ruahlo pi in ka um nak hrawng cu a van kik thluahmah i ka bike cu a ran nak in ka start chih i a donghnak cun a van nung i a engine lum deuh seh tiah ka van lumter chih i ka tli lai ka ti bak ah cun ka ke rek ah mi pakhat nih a ka tleih i a ka dawh i lam lai bak ah cun kai hlonh tiah a chim .

No description available.

Cubak cun ramhuai minung 10 hrawng an si la an ka kulh i an mui cu tihnung taktak an si i ka chim thiam nak nih a deih lo tiah a chim .Cawlcang kholo cun ka taksa cu an tthawn dih i muilak ah cun ka sikhawh chungin ka phone cu kai chuah i East Lungdar i a chungle pawl cu ka chawnh hna i an rak phak hlan lo cuka hmun ah cun cawlkho tilo in ka rak um peng i khuami keimah a rak ka la tu an rak phak hnu lawng cun tluang tein khualei ah an ka tlunpi khawh than tiah a chim .

No description available.

Khualtlawngpa thil ton : East Lungdar khua ah cun zantlai hnupi ah inn pakhat ah cun kutka kingh thawng an theih i zantlai hnu a si caah misual an si lai ti in kutka cu an onh duhlo i saupi a kingh zong i an onh duh tilo cun a beidong i an innpin deuh inn pakhat cu a va kingh than .Cu inn ah cun chungkhar pabik cu a um lo lio a si i a nupi le a fale 2 hngakchia lawng an riak i zanlai i a ho ti theihlo mi pa a si fawn mi nih kutka rakm kingh cu misual zong a si kho i an pa le aum fawn lo tik ah an onh duh ve lo .Asinain beidongn lo in sautuk a kingh hnu ah cun a ti awm an thei ti lo i kutka cu an onh i kutka hram ah cun pa pakhat a thil zongn a hnawm dihmi pa cu athaba tak in a rak dir i a thilton mi zong a chim kho lo .

No description available.

A thabat a dam hnu cun duhsah tein a van i hrim i a thilton mi cu hiti hin a chim “Khuachak lei ah tlawn kai tim i chunhlan cu ka bike hi ka siamter caah chun hnu lawngin ka van i thawh kho i East Lungdar khua ka phak ah hin zanlei titlak laite a si cang i tlawmpal ka kal ah khua a mui colh .Ka kal thluahmah i Biate khua phaklai Sakhi tikhur timi ka phak bak cun ruahlo pin ka bike cu a thi i ka bike cung cun ka tum i ka zohfel dih i zeihmanh a thatlo nak a um fawn lo i ka dat-si ka check tik zong ah a rak tampi fawn , cuti cun lungdong ngai in ka um lio ah ruahlo pin zeinih dek a ka cawi i a ka zuanpi thluahmah i East Lngdar khua lei ah hin a rak ka zuan pi than .a can ah cungsangpi ah a kan zuanpi i a can ah niam ten a ka zuanpi , keimah cu ka taksa a thawn dih i ka cawl kho bak ti lo .

No description available.

Hmun pakhat kaupi ah a ka zuanpi i cuka ah cun minung tampi an rak um i ka aw thei hna seh tiah heh tiah ka au nain ka aw cu a theimi zong an lo lo a hohmanh nih an ka zoh lo .Cuhnu cun a ka zuanpi than i ramlak ah a ka thlak i ka taksa cu a kik tuk ka tthawn dih .Ka ruahnak cun lampi lei a si lai tiah ka zumhnak lei cu ka kal i lampi ka chuak i khualei a si lai tiah ka zumhnak ah ka rak ra thluahmah i mei ceu pakhat ka hmuh i cuka ah cun ka va luh .Asinain kutka kam kingh peng i an ka onh duhlo caah nan mah inn ah hin ka rak luh than nak a si “tiah a thilton mak cu a chim .

No description available.

Motor mawngpa thil ton : Serchip le Champhai karlak motor mawng a si i nikhat cu a hohmanh phurh ding an um lo caah chunhlan tiang mi a kawl i an um tilo caah a mah lawng cun ai thawh i Keittum a phak ah zu tlawmpal a ding i cu ti cun a kal thluahmah i zanlei 5 hrawng ah East Lungdar a phan . East Lungdar a phak cun zanriah a ei i a ei khawh nazi 7:30Pm hrawng cun ai thawh than .Biate khua luh lai sakhi tikhur timi a phak bak cun a motor chung cu a van kik thluahmah i rang ngai in a tli ko mi a motor cu duhsah tein a kal i a kal cak kho bak lo.

No description available.

A motor thlalang in a hnulei a van zoh cu a motor thutnak hnulei bik ah cun mi pakhat a rak thu ve i a lau taktak .Cuti cun a tihlung in motor cung cun hla thang pin ai chuahter i hla a chuahmi cu a zulh chih i a kal lengmang i Biate khua a phak bak cun cu a phurhmi cu a tlau ve .Hi lawng silo in Biate khua luh lai sakhi tikhur an phak ah hin Motor driver tampi nih zaan ah nungak muidawh ngai an phurh lengmang ti a si fawn . Source : Mizo Special News

Be the first to comment on "Mizoram “Biate Khua Tikhur” A Hrangmi Kong Ah Khuami An buai Tuk Cang (A Hnubik Thawngpang Rak Rel Than )"

Leave a comment

Your email address will not be published.


*