MMID Season 4 kongah Dr, Hre Mang nih Chin mi kan lungput ding a chimh

Myanmar Idol season 4 cu zoh a nuam bak, top 4 ah chin mi pahnih an kai, an pahnih in winner si ding a si khawh pakhat nih winner kan coh piak hram seh ti hi chin mipi saduhthanak a si. Myanmar Idol season 4 ah Chin mi nih winner kan nga lai tiah a zumh mi an tam ngai cang. Mah kongah Dr. Hre Mang zong nih a lungpt a vun chimh ve cang. Video

Thawngpang >>>>

Democratic Republic of Congo (DRC) official nih a langhterningah cun  DRC nichuahnak lei-ah a ummi Beni i tuknak ruangah mi 22 hrawng an thi tiah a langhter. December 14, zanah khan Allied Democratic Force(ADF) pawl nih hi i tuknak hi Beni khua-ah an chuahtermi a si tiah i tuk chuahnak hmun  administrator, Donat Kibwana nih a chim.

“Ralkap pawlnih i tuknak hmunah a thimi pawl hna cu ttha tein  phum an si kawhnak lai an rak phorh hna,” tiah Kibwana nih a chim chap. Beni Civil society President riantlai Noella Katsongerwaki nih a chimningah cun, “ hi i tuknak hmunah a thimi pawl cu lothlomi le nu hleithum (13) zong an i tel tiah a chim. Beni khua i tuknak ah ‘civilian’ paruk an thih hnu ni khatnak ah hi i tuknak hi a um tthanmi a si.

December thla tir hrawngah khan i tuknak hmun thumah a rak um cang,  mi 26 an thi, Mantumbi khua-ah voi khat,  Kamango khua pawngah voi hnih bak  i tuknak hi a rak um. Local Human Rights bu CEPADHO nih a langhterningah cun tu kum October thla in a tu tiangah i tuknak ruangah a thimi cu mi 150-nak in an tam deuh cang an ti. DRC nichuahnak lei ah hin raltuk a hmangmi pawl group 160 hrawng nih mi 20,000 raltuknak a chuahter khotu an ngei tiah theih a si. Zei ruangah dah i tuknak an tuah tawn ti ahcun DRC nichuahnak lei ramah a ummi ‘natural resources’ vialte an nawlngeihnak tangah chiah an duh ruangah a si.

Raltuk a hmangmi, DRC nichuahnak lei ramah a ummi ‘natural resources’ vialte an nawlngeihnak tangah chiah a duhmi lakah Allied Democractic Forces(ADF) pawl zong an i tel, Uganda in a rak i thawkmi an si, Beni khua-ah i tuknak a chuahtertu cem an si, Beni khua hrawngah i tuknak an ser peng ruangah mi 1000 hlei an thi cang, UN peacekeeper zong nih sualah an phawt cangmi hna bu an si.

United Nation zong nih remnak le daihnak a um khawhnak lai kum 20 chung Peacekeeping ralkap mi 15,000 hrawng an rak chiahnak hmun a si. Naite ah khan Beni le a pawngkam khua pawl nih i tuknak in cozah le UN nih a kan kilveng kho lo tiah an lungthlinlonak zong an rak langhter cang. Security a tthat lo ruangah zawtnak a tthihnung taktak mi ‘Ebola’ zong a siningin zohkhennak le dohnak zong kalpi khawh a si lo.

 

Be the first to comment on "MMID Season 4 kongah Dr, Hre Mang nih Chin mi kan lungput ding a chimh"

Leave a comment

Your email address will not be published.


*


error: Content is protected !!