Luhkhuhrang a khu mi chungkhar hna cu an dihlak in Khrihfa ah an in let dih hna; Jesuh nih an chungkhar cungah thil a tuah mi cu khuaruahar bak a si

Amen, Amen, khuaruahar bak a si. Source nih a khua le a min a chim lo caah, Source nih a chim ning tein ka vun let lai, English in a rel duh mi nan um sual ah cun celebritiesbuzz ah rel khawh a si lai.  Novemver thla a si, Ka pa le u he Bible le Quran cawnnak ah Abudahabi ah kan kal. Mah caan ah hin Pathian Thlarau cu ka pa le unau pa le keimah cungah a rak tlung. Cun Jesuh cu kan Pathian le khamhtu caah kan cohlan. Kapa hi zu lo in a um kho lo mi a si. cu lawng si loin Sii a tawng pengmi a si hlei ah, a sual tuk mi a si. Cun ka u zong hi ka pa bantuk in thil thalo vialte a tuah tu a rak si ve. Mah bantuk in an um mi hi kan zumnak Islam nih a duh lo tuk mi a si. Kan innchungkhar ah hin lawmnak pakhat hmang a rak um bal lo. Ka nu hi hnuk cancer zawtnak a ngeih. Kei hi Vun zawtnak ka rak ngeih.

Ka nu hi a dam lo bu in tuurun kan ngeih mi cu a rak zoh khen, a ruang cu keimah, kapa le ka u hi Quran le Bible cawnnak ah kan kal cang caah si. Ka nu hi Fr. James Manjackal nih thla a rak cam piak i, a cam piak hnuah a cancer vialte cu a dam dih. Cun kanu cu siizung lei ah kan kal pi tthan i siibawi sin ah kan vun zohter cu sibawi nih mak a ti tuk i, zeitindah nan tuah a ti i, keimah nih Jesuh nih a damter tiin ka let. Keimah zong fakpi in thla ka cam hnuah ka vun zawtnak vialte a dam dih. Ka lawm bik mi cu ka pa le u nih an thil tuah mi  atha lo mi vialte an kal tak mi hi a si. Atu cu kan zatein in Jesuh hnu zulhtu kan si cang i kan inn ah thla kan cam peng hlei ah Bible hi nifatin kan rel tawn hna.

Jesuh kan ngeih hnuah kan inn um a nuam ning le kan inn a nuam ning hi ka  kaa in  chim khawh a si lo. Jesuh hi nifatin in a minung bantuk in ka lawmnak ka chimh  le thil zeipoah ka chimh tawn nak a si.  Zeibantuk thil hme le ngan zongah Jesuh nih a ka hnem tawn i a ka um pi zungzal tawn . Ni khat cu ka pum hi faktuk  in a fak, ka hoi le nih siibawi sinah va zohterh ding in an ka ti lengmang. Natein, kapa kut cu ka pum cungah chia in Jesuh min in thlacam ding in ka ti. Kapa nih thla a ka cam piak hnuah ka dam dih. Kan hnuhzarh ah khan kan tuurun pathum cu a tlau. Ka kawl ciam mam le kan  hna bei adong tak tak. Cun ka nu cu Jesuh sin ah thlacam ding in ka ti, ka nu nih thla a cam hnuah kan tuurun pathum a thlau mi cu kan hmuh tthan hna. Jesuh kan ngeih hnuah kan inn nuam ning le kan nih lawm ning hi kan hmurka in chim khawh a si lo. – celebritiesbuzz

Be the first to comment on "Luhkhuhrang a khu mi chungkhar hna cu an dihlak in Khrihfa ah an in let dih hna; Jesuh nih an chungkhar cungah thil a tuah mi cu khuaruahar bak a si"

Leave a comment

Your email address will not be published.


*


error: Content is protected !!