Myanmar Ah A Chuahpi A Nau Bak A Simi Cu A Sualpi I Nau A Pawi Hnu Long Ah An Theih

Shan ramkulh Danu uknak Ywaman peng Ko Su Kyaung khua ah kum 17 nute cu a u bak nih thla tamtuk chung a rak sualpi cang i a fa a pawi hnuah an theih. Tu ahcun a u cu palik nih an tleih cang i sualpi tu case an siampiak.

Kum 17 nute cu a naupawi nak a paw cu a lang tuk i,January 21,2021 ah a nu nih cun “Na paw cu zeidah si a puar ko e nau maw na pawi? tiah a nu nih a hal i a mah zong nih a thiltin mi cu ningzak bute khin a chim dih ve. Kan hnu kum January 18 ni ah Inn ah na um loh i ka u he kanmah pahnih lawng kan um i, ka duh lo bu bak in ka u nih cun a ka sualpi i ho sin hmanh ah chim hlah tiah a ka hro. Mahcu hnu cun zarhkhat ah awikhat peng a ka sualpi zungzal tawn.

Cuthil a cang mi kong ah cun, caah ningzak tuk sihmanh seh law, thuh awk a tha tung lo mi a sicaah palik sin ah a theihter colh. Palik pawl nih tleirawl nute cu sizung ah an cekter i nau a rak pawi taktak. Cutikah thisen ai tlai bak mi a nau a sualpi tu pa cu palik nih an tleih i a konglam cu phunglam bantuk in ceihpiak ding a si. ( News Journal)

Thawngpang dang rel chap…

President Sinak Biakam Nak An Tuah Hnuah Joe Biden Nih Phungthar 15 A Chuah Colh Hmasabik ah Trump nih Vawlei Cung Ngandam Nak ( WHO ) He I Pehtleih Nak A Hrawh Dih I President Biden Nih Cun A Pehtleih Than Cun, Donald Trump i Mipi ting 4 Renglo Thihnak Tiang A Chuahpi Mi Covid-19 Virus Zeihmanh Ah A Rel Loh I Biden Nih Cun …. Rel Chap ..

President sinak biakam hnuah Joe Biden nih phunglam pa 15 a chuah colh… Kharih fa kal sual mi Donald Trump Cozah i kaldan he a letling i kal ai tim i, hmasabik ah Trump nih vawlei cung ngandam nak ( WHO ) pehtlaihnak a hrawh dih i, President Biden nih cun a pehtleih than.

US election results LIVE: Joe Biden promises to address Covid-19 crisis |  Business Standard News

Cun, Donald Trump i Mipi ting 4 renglo thihnak tiang a phanh pi Covid-19 Virus hi zeirel loin a um i Biden nih cun ” Cozah zungpi i a kai mi vialte Mask nan i bunh viar lai. ” tiin phunglam a chuah fawn. State 50 ah Covid doh nak fak piin tuan ai tim.

Cun, 2019 kum ah Donald Trump nih vawlei cung biaknak thil a cang mi kil-ven ding vawlei cung pawl komh in, a chuak i President Biden nih cun i tel than nak kong a chuah than. Muslim pawl American Visa phihpiak nak pawl , pa le nu an i khah nak pawl le Media cu ral viar in doh ai tim .. ti bantuk pawl Donald Trump i Policy a tuah mi pawl cu a remh than dih.. a chuahpi cang.

BREAKING: Trump claims victory, threatens to go to supreme court -  Saheliantimes

Joe Biden nih cun ” Covid doh dal nak ah dai tein um a ngah loh. Kei mah President si ding i Vote a ka pe tu pawl le American zate in Covid hrawh taktak dingin zuam uh sih:. Zeizong vialte hi Democracy nih a tei cang. ” tiin President sinak biakam nak a dih bak in a chim.

Biden i Policy kong a chuah nak ah, Donald Trump i Policy he linglet i tuah ai timh mi tampi ai tel. President sinak biakam nak tuah lio ah President hlun Obama , George Bush pawl zong nih an telpi.

Source : O Mediab > : BBC

Be the first to comment on "Myanmar Ah A Chuahpi A Nau Bak A Simi Cu A Sualpi I Nau A Pawi Hnu Long Ah An Theih"

Leave a comment

Your email address will not be published.


*