Myanmar Ah USDP Party Hruaitu Le Mipi Pawl Cu Ithim Nak Tuah Than Than Siseh Tiin Sandah An Piah I An Buai Ko

Myanmar rampi ithim nak cu dih cuahmah a si cang i, ithim nak tuanvo nei Union Election Commission zong nih teinak a co mi NLD party le MP ,MLA pawl cu Official in an langh ter cuahmah cang. Asinain, USDP party cun tukum ithim nak cu a hman ning in tuah a si lo,a felfai loh tiin tuni November 11 ah duhlonak an langhter i ithim nak um than ding in, Union Election Commission an ngen hna.

Yangon ah USDP party hruaitu pawl nih cun media pawl an kawh khawm hna i ithim nak a dih timi cu an tawm pi lo hna nak kong an chim. Culawng siloin ithim nak ah a dik loh an timi pawl vialte zong langhter nak an tuah.

Myanmar prepares for historic elections Sunday - Photo Gallery

USDP nih ithim nak ah a dik loh an timi pawl cu, myone kip le khua kip i, ithim nak kong tuanvo la tu,Cawng saya le sayamah pawl an tlawm tuk caah mino lak in thazang a chuah kho mi lak than mi an tam. Cuti lak chap mi mino pawl cu NLD tanhtu le dirpitu lawnglawng an si. A hlankhan i vote thlak theih ni an langh ter mi zonng October 29 in November 5 tiang ti a sinain, November 7 tiang an ti than.

USDP newspaper claims crime 'rampant' under NLD | Mizzima Myanmar News and Insight

Ithim nak hlan te ah cozah dirlio mi nih mipi lem nak ah tiin bomh nak caah chiti le pee an phawt len hna. NLD nan vote asile tangka kan in pek hna lai tiah an ti. Cupawl cu a dik lo nak a si i ralkap pawl he tangti in, ithim nak tuah than uh tiah UEC an hal mi hna a si.

2020 thimnak ah USDP party nih teinak kan hmuh lai: Pu Zo Peng - The Hakha Post

USDP party hruaitu pawl nih an duhning le ithim nak a dik loh an timi Media hmangin an phuan lio ah USDP mipi le Rose Party mipi pawl cu Naypidaw Union Election Commission zung hmai ah minung 50 hrawng buainak an nei i ithim nak an cahlan lo nak kong a thar in ithim nak tuah than ding ah an duh nak kong ca le biaholh hmang in an aupi i sandah an piah.

Asinain, tuni November 11 thotho ah Union Election Commission nih cun media pawl an komhkhawm ve hna i ithim nak cu hman te le tluang tak in an tuah khawh cang nak kong an rak chimh ve hna.( BBC ,DVB ). Credit : VAPUAL AUAW

 

Be the first to comment on "Myanmar Ah USDP Party Hruaitu Le Mipi Pawl Cu Ithim Nak Tuah Than Than Siseh Tiin Sandah An Piah I An Buai Ko"

Leave a comment

Your email address will not be published.


*


error: Content is protected !!