Myanmar cozah thil tuah a timh mi ruangah Khrifa cheu nih an ttih tuk cang tiah theih a si

Myanmar Cozah nih myanmar rammi sinak  electronic national ID ser a tim, hi Electronic Nationa ID an ser khawhnak lai Austria ram bawmhnak in an ser lai i, a sernak ding caah tangka a herhmi zong austria ram nih tangka kerh um lo in myanmar ram cu tangka a cawih hna lai tiah Senior minister nih a chim.

Myanmar minister of Labour, Immigration and Population rian a tlai cuahmah liomi U Thein Swe nihcun ‘loan’ pinah hnatlaknak hna zong kan tuah zau lai tiah a chim tthan ve. “Austria cozah nihcun ‘loan’  tangka cu a kerh um bak lo in kan cawih hna lai tiah hnatlaknak an ngei. Parliament nih hnatlakpinak a tuah khawh nak lai Parliament ah up dingmi ‘memorandum of understanding(MoU)  kan tuah chuahmah lio a si.” tiah a chim chap.

Hi bantuk lei kap he pehtlaiin rian a ttuantu pawl ministry nihcun myanmar rammi sinak ‘information’ 1.3 million hrawngcu computer-ah an khumh ding cang tiah U Thein Swe nihcun Parliament zongah a chim cang. Myanmar Passport Offices in ‘information’ or ‘data’ hna cu khawmh an si. Myanmar Passport Office nih hin ramdang a kal dingmi hna caah ‘Labour Certificates’ le ‘Identification certificates’ hna zong Thailand ramah rian a ttuanmi hna caah a rak pek tawn hna.

Hi bantuk khuakhannak hi a hlawhtlin a si ahcun Myanmar ram cu kha hlannak in a ram chungmi sinak a ngeimi pawl kha a hngalh khawh cang hna lai. Khualtlawn zong a nuam deuh cang lai, myanmar rammi a si maw si lo ti zong kha computer ah fawi le bai ah theihhngalh khawh a si cang lai. Electronic National ID a si cang lai ruangah mi cheukhat nih Bible ah a rak chim cangmi ‘666’ a si lai timi ruahnak a ngei mi pawl hna kan Chin state ah an um te hnga maw? India ram ahcun Aadhar Card cu ‘666’ ah an ruah ruangah a ngei duhlo mi tampi an um.

Be the first to comment on "Myanmar cozah thil tuah a timh mi ruangah Khrifa cheu nih an ttih tuk cang tiah theih a si"

Leave a comment

Your email address will not be published.


*


error: Content is protected !!