Myanmar Hlasak thiam le milar tuk mi Chaw Suu Khin nih Esther le Benjamin sum kong a chimh; Esther caah thawngpang tha

Myanmar Idol season 4 top 4 ah Chin mi pahnih an nih tel, An pahnih in winner cu an si kho lai lo caah Pakhat khat nih winner si hram seh ti hi Chin mipi nih kan duh bik a si. Cu ve bantuk in Myanmar Hlasak thiam le milar, aw tha tuk mi nih Benjamin sum le Esther kong a vun chimh mi nih mi tampi thazang a pek hna. A chimh ning ah cun Esther le Benjamin sum hi ka duh tuk mi an si, an aw zong a tha, an hlasak zong ngai a nuam. Myanmar Idol Season 1-3 tiang hi pa lei nih winner an ngah caah atu cu nu nih winner ngah cang seh ti ka duh tiin a chimh. Myanmar Idol season 4 winner hi Esther in ngah se ka duh tiah a chimh, a ruang cu Myanmar Idol hi pa lei nih winner an ngah tawn caah atu cu nu lei Esther nih nga seh tiah ka duh tiin a chimh. Video a zoh duh mi caah>>>>> https://www.facebook.com/100036133903945/videos/167077614506701/?t=15

Thawngpang dang>>>>>>>>>

Myanmar ralkap nih Riffle meithal in Arakan State, Minbya khualipi uktu bawi kum 42 upa cu an tuk ruangah a thi tiah a chungkhar le nih DMG sinah an chim. An langhterning ahcun, Myanmar ralkap pawl cu December 11, zan suimilam 11 ah Seitera khuate-ah an kal, khuachung uktu bawi Nyan Thein innah an kal, thi lak in an vuak.

An chungkhar member pakhat Phyu Phyu Win, kum 39 upa zong meithal in an kah hliamh caah a thi tiah an chim. “Khuachung uktu bawi inn lei panh in an kal tikah innleng i a ummi nu cu meithal in an kah hliamh, caan tlawmpal-ah an kahnak hmunah a thi colh, ka unau pa cu meithal in a lu-ah an tuk, a thih hlan lo an vuak,” tiah a thimi unau pa nih a chim.

Nyan Thein hi meithal in an tuknak ruangah a thi, Phyu Phyu Win belte cu a ttaang-ah meithal in an kah caah a thi tiah an langhter. “Ka fanu cu dik lo tukin kah thih a si caah ka thinhung taktak, ka fanu ka ruah tikah lungrawhnak in ka khat dih, fa ngakchia pathum a ngeimi a si,” tiah Phyu Phyu Win hringtu a pa nih a chim. A thimi chungkhar le nih Minbya townchip palik captain Aung Mya Than sinah complaint-nak an ap, sihmanhselaw, palik nih thilsining fiang tein an langhter duh lo tiah an chim.

Myanmar ralkap pawl nih hin khuachungah AA tapung pawl an i tim, pakhat hmanh an hmu hna lo, cucaah, khuachung a ummi mipi hna cu an thihphaihhna, khuachung uktu bawi zong thi lakin an vuaknak a ruang hi a si tiah DMG nih an langhter. DMG nih hin thilsining theih fiannak caah Western Command Colonel Win Zaw Oo cu phone in biahalnak ngeih an timh, sihmanhselaw, an chon kho lo tiah an langhter

Be the first to comment on "Myanmar Hlasak thiam le milar tuk mi Chaw Suu Khin nih Esther le Benjamin sum kong a chimh; Esther caah thawngpang tha"

Leave a comment

Your email address will not be published.


*


error: Content is protected !!