Myanmar Idol season 4 page ah Benjamin Sum, Aye Mye Phyu le Esther kong an ttial ning, Winner ding mi cu kawl mipi tam deuh an hmuh ning in a fiang bik ko hi

Myanmar Idol season 4 cu Chin mi caah a sunglawi tuk mi a si, aruang cu myanmar Idol season 4 winner ding caah Chin mi chungin pathum kan ngeih hna. An pathum in an thiam dih. Chin mipi kan hmuh ning le lungput ah winner ding a fiang kho lo ngai, a ruang cu Esther hi a thiam, Benjamin hi a thiam winner a si lai tiah a zumh mi le thazang a pek mi hna hi a tam deuh cu pengtlang bantuk in a kal caah chin mipi mit in cun winner ding chimh a har ngai

Natein kawl mipi nih winner caah an zumh mi hna cu Aye Mye Phyu le Esther hi an si. Midang pawl hna hi an thiam ve ko nain, Esther e Aye Mye Phyu bantuk cun an thiam lo, Esther le Aye Mye Phyu nih winner hi an nih cu te lai tiah an ti cio ko. Esther hi hlasak a thiam ngai, natein mipi nih thazang an pek deuh lo caah a si ko. Bottom 3 ah a thut mi hna hi vote a hmuh tlawm bik mi an si ti mi hi a hman lo mi a si. Si seh law Esther le Aye Mye Phyu hi bottom 3 ah an thut bal lai lo. Idol rian ttuantu nih mipi lei nih vote tampi an nga khawhnak ding caah mah bantuk thil hi an tuah sawh sawh mi a si.

Mi tampi nih Benjamin sum zong winner ding caah an zum ngai mi a si ve, natein hlasak thiamnak lei ah Esther le Aye Mye Phyu tei ding ah cun a har ngai natein Benjamin sum hi hlasak thiam mi a si ve caah winner a co khawh ve ko an ti

Cucaah kawl mipi lungput in zoh ah cun winner a fiang lo natein Aye Mye Phyu le Esther le Benjamin sum pakhat lilak nih an co te lai ti kha fiangtein a lang. Esther hi atu nak in fakdeuh in thazang kan pek khawh a si ah cun winner a nga te ko lai ti cu a fiang ngai mi si

 

Be the first to comment on "Myanmar Idol season 4 page ah Benjamin Sum, Aye Mye Phyu le Esther kong an ttial ning, Winner ding mi cu kawl mipi tam deuh an hmuh ning in a fiang bik ko hi"

Leave a comment

Your email address will not be published.


*


error: Content is protected !!