Myanmar Idol Winner caah zum mi ve ve, Esther le Aye Phyu Phyu ah kawlpawl nih an duh deuh mi

Top 9 i zuamnak ah Esther le Aye PhyuPhyu an performance cu theih dih a si cang. An aw a that ning le hlasak an thiam ning zong theih dih asi cang. Esther le Aye Phyu Phyu hi cu fawtein top 3 tiang an kai lai ti kha zum cia an si. Winner laksawng hi a ho nih dah a lak lai ti kong ah mi tampi nih an hmuhning le ruah ning a khat kho ti lo. Esther hi kan thieh cia bantuk in Chin Idol winner laksawng a kan lakpiak tu a si.

Hlasak a thiamning le a performance a that ning cu chim a hau lo. Aye Phyu Phyu hi hlasak thiam ve tuk mi a si, Top 9 ah kawl hla special tuk in a vun sak mi cu uar lo awk a tha lo. A hlasak mi kha kawl hla tha tuk mi le a aw dang dang i a um mi a si i, Judge pawl zong nih an uar tak tak mi a si. Kawl pawl tam deuh nih an chim ning ah cun Esther nakin Aye Phyu Phyu hi winner caah a tlak deuh an ti i, Aye Phyu Phyu hi winner caah a duh mi an tam deuh cang. Natein top 9 lawng a si caah thil a thleng kho lengmang mi a si caah Aye Phyu Phyu zong winner a si lai ti chimh khawh zong a si hlei lo

Tonzang peng sianginn sayamah pakhat meithal in an kah thah: Chin ramkulh Tonzang myone Tuivial Zang khuate ah primary sianginn cachim sayamah pakhat cu India ram Manipur rammi Kahte miphun pakhat nih meithal in a kah i a nunnak a liam tiah theih a si. Chin ramkulh Tonzang peng Tuivialzang khuate ah sianginn cachim tu sayamah rian a tuanmi Dim Lun Mang ( kum 27 ) cu November 17, 2019 zan sml 9:30 hrawng ah Manipur Kahte miphun pakhat a simi Vinok Binok timi pa nih meithal in a kah i a nunnak a liam tiah an chim.

Primary Sianginn cachim tu sayamah Dim Lun Mang  hi siangngakchia pahnih he an um. Manipur pa he hin a hlan ah buainak an rak ngei cang.  Bia an rak i el bal cang. Zeibantuk dah an buai timi tu cu ka thei lo. Meithal in a kah i Kahte pa cu India ram lei ah a zam diam tiah Tuivialzang khuabawi pa nih a chim. Tuivialzang khua hi Chin state le India ramri ah a ummi a si. Inn 14 hrawng an si.

Tedim nu zong Kahte pa nih tampi an thit hna i lamnaih ngai in a ummi an si. Tuvialzang khua in Phalong pakhat hrawng hei kal ahcun India ram ah phanh colh a si. Sayamah Dim lUn Mang a ruak cu Khaikam sizung lei ah an kalpi. A mah cu Khaikam ah a ummi an si i Tuvialzang khuate ah Primary sianginn cachim rian a rak tuanmi a si. A poi tuk hringhran ee. Tantakmi chungkhar Pathian nih an ngaihchiatnak hnem ko hna seh.

 

Be the first to comment on "Myanmar Idol Winner caah zum mi ve ve, Esther le Aye Phyu Phyu ah kawlpawl nih an duh deuh mi"

Leave a comment

Your email address will not be published.


*


error: Content is protected !!