Myanmar kongah UN, ICJ le ICC hna nih zeitin an cawlcangh lai

UN, ICJ le ICC hna nih zeitin an cawlcangh lai ti hi fiang a herh.Ram chung mipi nih UN, International Criminal of Jurists (JCJ) le International Criminal of Court (ICC) hna riantuan ning hngl bu tein mipi zong nih hazanag kan chuah i kan cawlcangh a herh.

UN, ICJ le ICC hna riantuan ning
ICJ hi cozah an si lo. NGO phu pakhat an si ve. NGO cu a phun a tampi i ICJ tuhi Human right lei biatak tein a doh mi phu an si. International Criminal of Jurists (JCJ) sin ah Ralkap thil sual a tuah mi hna cu data an fact kha tling te in an kuat. Atu tiang ralkap thil sual tuah mi hi ICJ sin ah a tanglei bantuk in phan. Ralkap nih an thah mi hna hi milu 50 tluk an si i hi chung ah kumtling lo ngakchia an i tel.Tlaih mi hna hi 1498 tluk an si tiah a langhter. Cu tik ah International Criminal of Jurists (JCJ) nih UN cu bia tak te cawlcangh ding in a forh fial.

International Criminal of Jurists (JCJ) nih UN cu a herh ning tuanvo lak ding in a forh fial hnu ah UN nih International Criminal of Court (ICC) kha a rannak in ralkap thil tuah mi le kawlram chung thil cang mi vialte hlathlai ding in nawl a pek ve than. International Criminal of Jurists (JCJ) nih Tutan ralkap hna hi dantat awk a tha lo,a ruang cu a luan cia kum Rohingya kong buainak he aa khat lo i aa pehtlai fawn lo caah International Criminal of Jurists (JCJ) nih ralkap hi dan a tat kho lo, asinain UN tu kha a forh fial ve. Cu tik ah UN nih rian biatak te a tuan khawh nakding ah International Criminal of Court (ICC) phu kha thil sining a hlat ter colh hna.

Asinain International Criminal of Jurists (JCJ) phu cu Zei cozah tang hmanh um mi a si lo caah le NGO phu pakhat a si ko nain UN tu tuanvo lak ding in a forhfial mi cungah lung a hmui taktak. Atu hi UN nawl peknak in ICC nih thil sining a hlat lio.
UN kut chung ah a um mi Responsibility to Protect (R2P) hi hman khawhnak lam a um bantuk in an zulh phung ning tein tuah tuan a si lai caah caan zei mawzat a rau rih lai. Kawlram buainak hi UN biatak tein a luh hlan ah Ramchung lei tuanvo ngeitu le Asia ram nih an tawlrel hmasa lai, Ramchung tuanvo ngeitu hna le Asia ram nih an tawlrel khawh lo a buai peng ko ahcun UN nih R2P ning in luhnak lam a kawl colh ve lai. A mah belte Asia ra hna nih zei can tiang rau in dah kawlram hi an buai pi lai theih a si rih lo.

R2P hmang in UN a luh nakding ah mipi nih CRPH hi biatak tein kan cohlan le thapek a herh mi a si. CRPH nih UN sin ah R2P hmang in luh ding a sawm hnu ah UN nih a adotdot in thil a zoh ta hnu ah UN a cawl cang te lai. caan zei mawzat a herh mi a si. UN chungtel ram a simi ralkap hna he atu le tu khua an khan lai Chim duh mi cu UN riantuannak hi ICC nih a hmuh chuah mi phichuak cung ah aa hngat mi a si. Cu hnu ah UN nih a zohfel lai, ahnu ah R2P luhnak lam a um maw um lo tiah a dotdot in a zohfel hnu ah UN chung tel ram ralkap hna he caihhmai tinak an ngei lai, cu a phichuak ning cun UN hi a cawlding a si. Cu caan kar lak vialte riantuannak hi ramchung mi kan biapi tuk hringhran.

Atawinak in chim ahcun, Nihin ralkap thilsual tuah hi aluan cia rohingya buainak he aa pehtlai lo, a akhat lo caah ICJ nih tuanvo ngan a la lai lo, asinain UN tu kha biatak tein a forh fial ve lai. UN nih riantuan a duh tik ah hlathlaitu ICC kha a thlah hmasa tawn, Cu hnu ah R2p hi hman le hman lo ding biachah a sitawn. Hihi mipi nih kan hngalh peng a herh.
Source: Rolian

Be the first to comment on "Myanmar kongah UN, ICJ le ICC hna nih zeitin an cawlcangh lai"

Leave a comment

Your email address will not be published.


*