Myanmar Nungak Faktuk In A Sualpi Tu Ramdang Palik An Tleih

Thailand ram Surat Thani Provice Bo Phut palik zung ah Myanmar nungak pakhat cu rittheih sii phur lai tiin lunghrinh nak in tleih a si i, lockup ah an khumh mi cu zanlai ah palik bawi pakhat nih a rak sualpi. Cukong ah cun, Myanmar nupawl nih Thailand ram i Myanmar Embassy sin ah a chimh tikah sual a tuahtu palik cu an tleih le a rian in an dinh ter rih.

Myanmar nungak ( kum 21 ) mi cu January 13 ni ah rittheih sii phur rinhlelh hmangin tleih a si i palik Lockup ah an rak khumh. Zan nazi 1 le nazi 2 karlak ah palik zung i bawi pakhat cu lockup chungah lut in Myanmar nungak cu a sualpimi a si. Cu kongkau ah cun Myanmar nungak nih Myanmar Embassy a theihter hnuah sualnak a tuahtu palik cu a rian in dinhter a si rih i a konglam cu fiangdeuh in dohhlat ding ah an chiah rih.

A konglam cu ni 7 chung an dothlat than hmasa rih lai i Myanmar nungak zong cu tuhi sizung ah kuat rih a si. Sibawi nih cun sualpi a sile silo a rak cek hmasa lai i cu buainak cu an kalpi thluahmah tih lai tiah The Nation thawngthanh nak ah cun an langh ter.
Credit: Vapual Auaw

Be the first to comment on "Myanmar Nungak Faktuk In A Sualpi Tu Ramdang Palik An Tleih"

Leave a comment

Your email address will not be published.


*