Myanmar ralkap pawl an sual kho ning cu!! Myanmar Caposaih thiam mi panga cungah dangtatnak an tuah mi cu a fak bak ko hi

Caposaih thiam panga (comedian) hna cu Muanmar ralkap an nihsawh hna timi ruangah Naypyidaw court nih 100,000 kyat dih a liamter hna. Sihmanhselaw, kan hnu zarhah khan nihchuaksaih thiam panga nih an chimmi cu, kal colcanghning kha ralkap nih an theihthiam lo caah a si an ti. “Ralkap nih rammi hna an tukning an piah tiah puh kan si, sihmanhselaw, thilsining an theihthiam lo caah a si,” tiah nihchuaksaih thiam Pan Thee nih Myanmay Now-ah a chim. Caposaih thiam panga hna lakah pakhat cu April thla i capo an rak saihnakah khan, ralkap uniform bantuk in a hruk-aih, nutung pakhat liang cungah a ke a chiah, cubantuk tuahsernak an ngeihmi cu ralkap nih an cohlan khawh lo bikmi a si.

Khabantuk kan piahnak a ruang cu, nu pawl le ralkap karlakah a ummi dawtnak a si, ralkap thangchiang timhnak he tuahmi a si lo tiah caposaih thiam Pan Thee nih a chim. Sihmanhselaw, Lt. Col. Myint nih an chimmi cu a cohlang duh lo, an caposaihmi nih ralkap upatnak a serhsat tiah case an tuah piaknak hna a ruang hi a si.  Myanmar ramah hin, ralkap sermi hmanthlak pawh nihsawh ahcun, penal code 500 he pehtlaiin kum 2 chung thong thlak khawh a si.

“Nihinni thilsining cu theihthiam a har bak cang, ralrinnak ngeih a herh taktak, duhning paoh in caposaih zong sianh a si ti lo,” tiah Pan Thee nih a lungrawhnak kong a chim. Sihni Kyee Myint, hlaphuah thiam Saw Wai le captain Nay Myo Zin nih Tanintharyi ramchung, Kawthaung i bia an chimnakah Myanmar ralkap nih phunghrampi an sermi thlen a herhnak kong an chim, cucaah, ralkap karlakah ruahnak i khat lonak thlaici an tuh tiah nikhatni (Nov 18) ah khan sual an phawt hna caah annih pathum zong tazacuai an si.

Peacock Generation thangyate troupe in minung paruk nih hensawhnak bia a simi an chim tiah puh an si caah dantat an si, an lakah pakhat cu nikhatni (Nov 18) ah khan ralkap a nihsawh tiah an puh caah kum khat chung thong thlak a si lai, panga hna belte cu court nih kan hnu thlaah khan kum khat cio thong tla dingin biakhiahnak a rak tuah piak cang hna.

Be the first to comment on "Myanmar ralkap pawl an sual kho ning cu!! Myanmar Caposaih thiam mi panga cungah dangtatnak an tuah mi cu a fak bak ko hi"

Leave a comment

Your email address will not be published.


*


error: Content is protected !!