Myanmar ram ah Local banks pawl nih Debit, Credit Cards fawi tein hmankhawhnak atuah cang.

Myanmar Citizens Bank nih Co-branded debit card cu Myanmar Payment Union (MPU) he hmunkhat ah services tuah hman kho ding in JCB bank nih thawng a thanh cang, MCB, MPU-JCB hna cu Co-brand Debit Card thar an chuah cang lai i Myanmar ram ah fawi tein hman kho a si cang lai.

 

Hi Co-branded Card a ngei tu (Cardholder) hna nih  ATM ah voikhat tangka an lak ahhin k300,000 lak khawh a si lai i, nikhat ah kawlram tangka in K1 million lawng aa lak kho cang lai, Local online Payments cu nikhat ah k5 million lawng lak khawh ding in a ri (Limit) an tuah.

Myanmar ram nih a timh mi cu myanmar ram ah phaisa kan hman ning hi (Cash) phaisa tlap in i pek hi kan tlawmter deuh cang lai i online in phaisa i pek i chanh  kan hmang deuh cang lai cu cu a hmang tu ca zawng ah a fawi i a him zong a him deuh tiah Myanmar ram bank lei rian tuantu hna nih an chim.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

 

Be the first to comment on "Myanmar ram ah Local banks pawl nih Debit, Credit Cards fawi tein hmankhawhnak atuah cang."

Leave a comment

Your email address will not be published.


*


error: Content is protected !!