Myanmar Tadin ttialtu “Voice of Myanmar” Editor-in-chief Nay Myo Lin cu Kawl ralkap in an tlaih; Aruang

Kawl ralkap sual ning le ttih an nung ning a lang thluamah hoi cang. Kaw ram chungah tadin lar ngai mi, Voice of Myanmar- Editor in chief, Nay Myo Lin, Journalist/Editor lar tuk mi cu Kawl ralkap nih an tlaih. Nay Myo Lin nih Rakhine state ah Arakan Army hruaitu pakhat cu bia i ruah ttinak a ngei pi hna.  Mah ruangah Voice of myanmar- Editor in chief cu tlerhnak in minung ther le phang in tuahnak (Terrorism) tuah ah sual an puh caah tlaih a si.

Nihnih Ni ah khan kawl ralkap nih an tlaih tiah theih a si. Mah kong hi Reuters le AFP zong nih fiantein an ttial i, Reporters without borders le International human right te hna nih ralkap thil tuah ning cu fakpi in an soisel i, a rang khawh in chuah ding in an duhnak an langter tiin an chim. Kawl ralkap pawl an thil tuah ning cu Press freedom zei a rel lo mi thil tuah a si tiin fakpi in kawl cozah cu an soisel

Nay Myo Lin nih March 27 ah khan AA hruaitu cu bia ruah ttinak a ngei pi hna. Mah bantuk in Nay Myo Lin nih a tuah duhnak ruang bik cu, atu hrawng ah hin kawl ralkap le AA pawl hna cu fakpi in an idoh lengmang caah i remnak lawm a um hnga maw tiah lam kawl a tim ruangah mah bantuk in AA hruaitu hi bia i ruah ttinak a tuah mi a si.

Nay Myo Lin hi court nih thiam lo a cohter sual ah cun a tlawm bik ah kum 3 bak thawnginn ah chia khawh dirhmun a si i, natein a vanchia i case kong ah ralkap nih hrem an duh tak tak ah cun damchung thawngin ah um khawh dirhmun khi a si. Myanmar cozah nih March 23, 2020 ah khan AA pawl hna hi Terrorist Group a a rak chia cang i, cu cu vawlei ramkip theih ding in thawngthannak zong a tuah cang.

Nay Myo Lin nupi Zarni Mann nih a chim ning ah cun a pasal laptop zong tlaih piak a si i, Zarni Mann hi The Irrawady, tualchung thawng ttialtu a si i, Mandalay ah um mi a si. A pasal zong hi mandalay ah um mi a si ve. Nicholas Bequein, Amnesty International hruaitu hna nih, Journalist mah le rian a ttuan lio mi mah bantuk in Kawl ralkap cozah nih an tlaih mi cu a rangnak in thla seh tiin an duh lo ning an langer ve cang. Ref- Aljazeera

Be the first to comment on "Myanmar Tadin ttialtu “Voice of Myanmar” Editor-in-chief Nay Myo Lin cu Kawl ralkap in an tlaih; Aruang"

Leave a comment

Your email address will not be published.


*


error: Content is protected !!