NASA Chief Jim Bridenstine nih cun US President thar ah Biden a tlin taktak sual a siah cun, Biden kuttang ahcun a riantuan a peh khawh peng lo nak kong cu a chim i, zeidang ruangah siloin President Donald Trump Team he i ngamh ngai in kut an i tleih cang ruang ah Biden zong US president hrang ah a tlin sual a sile, amah nih a rinh cia mi pawl a ruah ko hna lai tiah a chim.
NASA Chief Jim Bridenstine cu House Of Representatives ,Okalahoma’s 1st Congressional District ah rian a rak tuan zungzal mi a si i, Donald Trump US President a si hnu 2018 kum, April thla ah NASA Chief hrang ah an rak lak luhmi a si.
Trump team nih cun 2024 ah thlapa cung kai an i tim than i tu ahcun US president thar ithim nak ding kong buainak ruang ah, bia felfai a chuak rih lo mi ah a cang. NASA cu cungsang si lole van cung i thil umdan pawl dothlat tu team an si.
NASA Chief Jim Bridenstine nih cun “Zeiruang ah ti a si cun, American president he ai ngamhthlak mi si a hau. mah cucu uk nak ah rinhchanh mi si a hau. Curuangah cun president thar a um taktak a si ahcun kei cu an hrang ah ka si lem lai loh.
Tu i president he kan i pehtleih nak a that tuk ruangah hlawhtlinnak tampi kan ngah. Cu bantuk i i pehtleih nak cu a hau. Mi zei bantuk president an si zong ah an duhmi le an rinh chan mi an chiah lai. cu bantuk cu keimah ka si kai zum ti loh” tiah a ti. (Aviation Daily )
Credit : VAPUAL AUAW
Be the first to comment on "NASA Chief Nih Biden Kut Tang Ah Riantuan Ai Tim Loh"