Nehhnu Kawl Ral dawiin China Nih Joe Biden A lomh pi ve

China nih lung awtawm ngaiin a donghnak ahcun US President thar hrang ding i thimtlin mi Biden le amah bawmtu ding Harris cu News Conference ah a lungtlin pinak kong a chim ve cang, Sinan a hmurka cu ai sum ngai ti a lang. Hi bia hi China ram aiawh in China Foreign Ministry Spokesman Wang Wenbin nih achimphuang mi a si.

China ram aiawh in Foreign Ministry Spokesman Wang Wenbin nih Biden le a bawmtu ding Harris cu an dirhmun ah a lomhpi hna nak kong a chim nan, US rampi i thimnak cu US ram nih an phung ning tein result phuan a si telai tiah,

a chim chih. China Foreign Ministry Spokesman Wang Wenbin nihcun tuchun i Media pawl a ton hna nakah cun “American thimnak ah Mr.Biden le Ms.Harris cu ka lomhpi taktak hna a ti. A sinan, US rampi thimnak result cu US phung ning tein phuan a si te lai ticu kan ifiang dih tiah a ti.

Tu dirhmun ahcun US president thar dingah ho dah teitu a si ticu Federal Election Commission nih an phuang rih lo i hmai an hruaining a zir in Trump nih Biden a tei kho ti lailo tiah US Media pawl nih an ti. A sinan, Trump le a team pawl nihcun thil diklo tampi a um tiah lungtlin lonak an nei i State cheukhat ah vote an rel tthan cuahmah cang.

Hi bantuk dirhmun a si bu zongah cheukhat nihcun Biden nih teinak a co tthiam tthiam lai, State pakhat hnih men ahcun Trump nih Biden a tei kho hlei lai lo an ti. Culiao ah State cheukhat i vote rel tthan a simi cu Trump lei ttang pawl nihcun teinak kan co lai tiah an rak i ruahchan ve.

Be the first to comment on "Nehhnu Kawl Ral dawiin China Nih Joe Biden A lomh pi ve"

Leave a comment

Your email address will not be published.


*