Ngakttah dirhmun in ka um lai tiah ka ruat hrim lo nain ka si taktak ko, ka caah tuarthiam ahar.

North Carolina i khua asa mi nuva cu Covid-19 zawtnak in an nunnak a liam, ICU room ah an kut i tlaih buin September 2 ahkhan a nunnak a liam. an fapa Shane nih a chim ning ahcun ka nu le ka pa hi Covid-19 an zaw tiah theih hnu ah sizung lei chiah an si i, an dam than ko lai tiah zumhnak tampi he ka um ko nain ka ruah ning bang si loin an zual chin lengmang caah ICU tiang an Phan i cu ticun an pahnih in an nunnak a liam taktak ko ngakttah dir hmun in ka um lai ti hi a ruat hrim ka ruat lomi a si , ka ruah ning bang in a si lo tikah ka caah tuar thiam a har ngai tiah a chim.

A nih nuva hna i an i neihnak in kum 48 a si cang i, a pasal a min cu Johnny Lee kum 67 mi a si i a nupi min cu Cathy Darlene kum 65 mi  asi, An pahnih in August thla in khan covid-19 zawtnak an ngei veve i, Thlakhat chung an zawh hnu ah damlei an panh ti lo an zual chin lengmang caah ICU room ah hmunkhat tein chiahti an si.

An nuva in an zual chin lengmang caah sibawi hna nih room khat ah an chiah ti hna i , A nupi Cathy Darlene kehlei a it i a pasal hi awrh lei ah a it ve, an thih lei tei ah an kut cu fek tein an i tlaih i, cu ticun hmun khat le caan khat teah a thi tti tiah WBTV nih a langter.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

Be the first to comment on "Ngakttah dirhmun in ka um lai tiah ka ruat hrim lo nain ka si taktak ko, ka caah tuarthiam ahar."

Leave a comment

Your email address will not be published.


*


error: Content is protected !!