Ni 4 Hnu Zong Ah An Hmuhkhawh Lo Mi H gakchia A Tlau Mi Kong Ah Thawngpang Thar

Mizoram Vairengte khua i hngakchia ku.h ih le cheu a tlau mi cu, ni 4 chung an kawl lengmang hnu zobg ah hmuh a si rih loh i, Hi hngakcgia a tlau nak kong hi thawngpang a phunphun in thanh a si i an chim ning cio zong ai khat cio loh. mahkong ah cun a pu bak nih a tupa tlau dan ning cu a van chim.

hngakchia a tlau nak kong ah hi hngakchia a tlau mi hi, Pa C.Zothanmawia ih fapa neihchun Lalsiamthara ( kum 2 le cheu) a si. Pa C.Zothanmawia cu Auto Rickshaw mawng a si i covid 19 boruak ruangah Petrol cawk ding a har tuk i ramri Vairengte khua leng ah a thli ten vaipawl ta a va cawk tawn.

November 11 zing zong ah khua leng ah petrol caw ding in a kal i a fapa Lalsiamthara ( kum 2 le cheu ) le an inn pawng i hngakchia pakhat cu a hruai hna. Zinglei nazi 7am hrawngah petrol a lak tawn nak hmun cu an va panh i khua pawng hmunrawn thlam ah hngakchia pahnih cu a chiah ta hna i petrol la dingin a va kal.

Hngakchia pahnih nih cun Pa C.Zothanmawia cu thlam in an rak hnga i lente an i celh pah. An Inn pawng hngakchia pa cu pawngkal ding ah hmundang ah a kal i, Pa C.Zothanmawia i fapa Lalsiamthara lawng cu thlam ah a rak um. An inn pawng hngakchia pa ek a ek lio ah cun a hawi pa Lalsiamthara i a tah thawng a theih i rianrang ten thlam ah cun a va tli nain a hmu ti loh. Tah thawng a theih nak hmun cu a kawl lengmang nain a hmu kho ti loh. Cutikah an inn pawng hngakchia pa cu a mah tein khua ah a va tlung.

Pa C.Zothanmawia cu petrol a lak khawh hnu ah cun thlam lei ah a va kal i hngakchia cu a hmu ti hna loh, Cubak cun a rianran nak in inn ah a tlung i a fapa cu a rak um ti loh. An inpawng hngakchia pa cu bia a va hal tik ah thil si ing cu a rak chimh dih. Cu khawh cun Pa C.Zothanmawia cu khua leng i thlam umnak hmun cu a va panh than i, A fapa tlau mi cu a mah telawng in a si khawh chung in a va kawl peng nain a hmuh ti lo caah mipi a phine hna i mipi nih an kawlpi.

November 11 chun in November 14 tiang Vairengte khua mipi pin ah khiadang minung zong nih an kawl i an hmu kho hrimhrim loh.thlacam thiam mi minung 10 nih an chim ning in an kawl zong ah an hmu kho ti loh. Cun, thlacam thiam mi an hruaih mi cheukhat nih an chim ning ah cun, hngakchia a tlau mi hi vaipawl nih an hruai i tuah hin vai inn ah a um ko timi zong an um.

Cheukhat minung nih cun khuachia nih an lak le silai tiah an zumh i a pawngkam tiva chung zong an kawl dih cang fawn.Cheukhat nih cun khuachia nih a dolh le si hnga maw titu zong an um i a phu phun a chim mi an tampi i a nehhnu pakhat hmanh theih a si rih loh. YMA phunglam in ni 7 chung khua mipi nih kawl a si i, a phunphun tuahning cang kawl dan ning an buaipi cuahmah lio a si.

Credit : .VAPUAL AUAW

Be the first to comment on "Ni 4 Hnu Zong Ah An Hmuhkhawh Lo Mi H gakchia A Tlau Mi Kong Ah Thawngpang Thar"

Leave a comment

Your email address will not be published.


*


error: Content is protected !!