NLD Nih An I Bochan Taktak Mi Palai Ah An Thlah Mi Dr SaSa Cu Chinram Caah Khuaruah Har In Rian A Rak Tuan Bal

Dr.Sasa nih Chinram le miphun hrangah kum 13 chung bak a ttuan cangmi pawl cu Chinland Post Interview ah mipi sinah chimfian nak a nei i a rian peh thluahmah ai timhnak kong zong a chim.

Dr.Sasa nih “Ka rianttuan mi cu minung pi duhdawt zangfah nak ruangah rianttuan mi a si. Cu ahcun kum 13 chung ka ttuan cang i England ram Bawi zong ka rianttuan nak ah anka telpi. Ka hnattuan micu England Bawi nih an ngaihsak ngaimi hna a si i annih cu vulei cung huap in upat hlawhmi an si.

Voi 7 bak kan i tong cang i ka rianttuan mi anka hal peng tawn.  “Chinram ,Myanmar ram kan zoh a si ahcun fim cawnnak ah kan tlacham ngai i ka zoh sawhsawh khawhlo ruangah ramdang ah siahngak chia kan thlah. kum 10 chungah mi 104 cu ramdang ah siangin kai kho dingin kan bomh khawh hna .Mi 104 lakin mi 10 cu ramdang ah vulei cung theihpi mi sibawi siangin ah siangin an kai i an dih cang.

“Cupin ah mirang holh cu kan chin common holh a si hrim hrim la tiah ka zumh. zeica tiah cun vulei cungah cun mirang holh thiam locun khoika hmun hmanhah tlam a tling kho lo. Curuang ah chin mino kan zaten mirang holh kan thiam ding cu a biapi taktak.  “Hakha khawpi i leimin liao zongah fangfak ip 2000 le tuamhlawm nak hrang sii tam taktak kan kuat.

Dr. Sasa meets community groups in Hakha for flood victims

Cupin ah H1N1 zawtnak le covid 19 boruak ah Face Mask 95 cu ting 5 le thawng 20 bak cu Chin ramkulh chung i sizung zaten, Rakhine ramkulh chung i pituh sizung zaten, Kalaymyo pituh sizung , Mandalay pituh sizung ,Yangon , Naypidaw ,Pakkuku pawl ah kan pek dih. Cupin ah PPE thilri zong kop 5000 bak kan sem dih.

“Cupin ah thlanglei laitlang le Rakhine ram cheukhat ah thla 6 chung bak keimah tthitruai nak in le keimah zong telh bak in sizung umlo nak , sibawi umlo nak khua pawl ah kan kal i damlo kan tuamhlawm peng. Chinram chung i naupawi mi minung 90 renglo hrang zong naupawi i herhmi sii cu thla 6 hrang a lakin kan rak pek thlu.

Kum 13 chungah keimah bak tel in damlo ting 1 le thawng 20 tluk bak a lakin kan tuamhlawm,an herhhai mi sii kan pek. Tu zongah Chinram chung zate hrang ngandam nak , fimthiam nak le thancho nak hrang rianttuan thluahmah kani tim. Cun Airport tampi kan herh i phunsang kainak siangin zong dirh khawh dingin kan i zuam lai” tiah a ti. Dr.Sasa cu Health and Hope rianttuan nak dirhtu le Chinram chung NLD party teinak conak hrang Central NLD nih palai i an hmanmi a si.

Be the first to comment on "NLD Nih An I Bochan Taktak Mi Palai Ah An Thlah Mi Dr SaSa Cu Chinram Caah Khuaruah Har In Rian A Rak Tuan Bal"

Leave a comment

Your email address will not be published.


*


error: Content is protected !!