NLD Party tling Lomhnak Puai Ah An I That than (A voihnih nak a si cang)

Tu kum Myanmar rampi thimnak ah NLD nih ramchung huap in teinak a co i party danghe i kop hau loin cozah an tleihkhawh colh, Awl tukin teinak an co tikah NLD ttanhtu pawl cu an i lunghmuih tuk i an hawile pawl he lomhnak puai an tuah hna i khuakip ah NLD party pawl cu an tha a nuam kho taktak.

Ayeyarwady ramthen Kangyidaung peng Tagon Kyi khua zongah NLD pawl nih teinak an hmuhmi lomhnak puai ah i thahnawn nak a chuak. Zaw Min Oo ( kum 41 ) micu rawl eikhim hnu ah a chuak i NLD teinak hmuhmi lawm dingin U Za Kyaw te Inn lei panhin a kal.

Cuka hmun ahcun hawikom rual pawl he zu an ding hna i NLD teinak hmuhmi lawm cun an laam an tur an cawl i nuam tak in can an hmang hna. Cuti an laam cuahmah liao ahcun Zaw Min Oo le Than Soe cu bia an i el i buai hram an i thok.

An i nam len an i zuanhnawh an i vua manh nain an hawile nih an tthen colh hna i an fak veve manh lo, Cuti can an hman thlu hnu ahcun Zaw Min Oo cu inn lei panh in a lawi i zeihmanh a cang ti lailo tiah,

lung hnangam tein a lawi . A sinan, Lampi ah Than Soe nihcun a rak hngah i biaruah ding phunin a dirter hnuah a rak i ken ciami lungtum in a cumh i Zaw Min Oo cu zeihmanh thei loin a tlu colh. Culawng silo in Than Soe nihcun Zaw Min Oo cu ai kenmi nam in a sawh chih i a hmun ah Zaw Min Oo cu a thi colh.

Lampi ai choklet minih Zaw Min Oo ruak an hmuh tikah a nupi an phone i police an theihter colh ve hna. Zaw Min Oo ruak cu sizung ah an kalpi colh i police pawl nih misual pa cu an kawl colh ve.

November 10 zan i thahnawn nak a phan micu police pawl nih November 11 chun ah mithat tu Than Soe cu a umnak Inn chung ah a hmanmi le ai hruhmi thilri he ai tleih i lainawng case in thawngin ah an khumh colh.

Be the first to comment on "NLD Party tling Lomhnak Puai Ah An I That than (A voihnih nak a si cang)"

Leave a comment

Your email address will not be published.


*


error: Content is protected !!