Nuhmei pakhat nih lamzawhtu chungah thil a tuah mi nih mi lunthin kekui in a chia hna

Mah bantuk lungput nuhmei nu nih a ngei mi thawng vun thei ahcun mitthli nih a celh lo, Mitthli atla thluamah ko, tu lio kawlram thawngpang kongah mi tampi mithli le lungreithei in kan um lio ah le mi tampi cu

kawl ralkap lei ah ttanh ruangah lamzawhtu pawl cungah harnak le buainak fakpi an chuahpi lio ah mah bantuk in nuhmei, tisik anhnah zuar i, pum a cawm mi nih mah bantuk lungput ngei in thil a tuah mi cu uar lo awk tha lo

Mah thawngpang hi Justin nih a lehmi a si, Nuhmei nu pakhat thil tuah ning cu mah bantuk hi a si. Lam kan zawhnak ah kawl ralkap nih lamzawhtu hna heh tiah meithal in an kan kah caah kan tlih.

Adangah kalnak ding ka ngei ti lo caah Nuhmei, tisik anhnah a zuartu nu inn chungah ka lut i ka thup. Cun nu pakhat, Nuhmei nu nih tangka ks 5000  cu a vun put i, mah hi la tiah a ka ti

Ka lawm tak tak, natein Nuhmei nu nih mah bantuk in tisik anhnah a zuarnak in a hmuh mi tangka a ka pek mi cu ka cohlan/lak piak duh lo.

A sin ah ka la lai lo tiin ka leh, mah bantuk in ka duh lo ti a hmuh hnuah nuhmei nu cu a nuam lo ngai. A si ahcun ka tisik anhnah zuarmi pahnih hi cu la ko tiah a ka ti than, ka duh lo ka ti hnu zongah, la ko a ka ti peng caah, adawngnak ah a ngaichiat tuk sual lai ti ka phan caah ka lak piak.

Mah tisik anhnah a zuar mi pahnih, nuhmei nu nih a ka pek mi cu, inn ka phan hnuah ka vun zoh cu, a chungah tangka Ks-5000 a thlih in a rak chia ti kha ka hmuh.

Nuhmei nu nih mah bantuk in lamzawhtu pawl cungah lungput a ngei i, a ngei mi a ka pek mi ka hmuh mi cu ka celh bak lo tiin social media ah a tial. Credit-Justin mizo

Mah post hi a lar ngai mi a si. Share tampi a phan cang. Mah bantuk nuhmei nu nih ram le miphun caah lamzawhtu pawl cungah dawtnak lungput a langter mi cu thangthat a si ngai

Be the first to comment on "Nuhmei pakhat nih lamzawhtu chungah thil a tuah mi nih mi lunthin kekui in a chia hna"

Leave a comment

Your email address will not be published.


*