Nurse Nih Siizung Ekinn Chungah Covid-19 I A Dam Lo Mipa Cu Nuamhnak Arak Cenpi Ning Cu Khuaruah Bak A Si Ko

Covid-19 thlicgia a hrang lengmang rih ko nain, minung thenkhat nih cun an rak tih bak ti loh hih. Indonesia, Jakarta khuapi i nurse ṭuan a tuan lio mi pakhat nih a zohkhenh mi Covid-19 i a dam lo mi cu siizung ekinn chungah nupa-sinak arak hmanpi.

Wisma Atlet quarantine-nak i a um mi an si, an umnak hmun cu a lian ngai mi a si i a hlanah cun Olympic i zuam nak hmunpi a si, Covid-19 in a dam lo mi an tamtuk ruangah quarantine-nak hmun ah an tuah.

An theih ning ah cun a dam lo mi nih online chungah hmanthlak le ca a post ruangah a si, arak i ti theituk ruangah, nawnei tu lei nih an dothlat i an theih chuah. Nurse nih ai humhim nak angki PPE cu a phoih i a chiah sawhsawh, cuti cun, ekinn chungah nupa-sinak an hmang.

An 2 in bia an hal veve hna i, nupa-sinak an hman.nak kong cu an i phuang dih. Thiam lo co ter an siah cun kum 10 chung thawng thlak an si hnu ah fak taktak in hrem an si lai. Hiti i hmunkhat an um ti hnu ah Covid-19 an check-up than i dam lo pa cu a positive rih ko, asinain nurse cu negative a si rih.

Lieutenant Colonel Arh Herwin nih “Covid-19 phunglam tang ah an um rih a hau i dam lo mi cu Athlete’s House ah quarantine in a um rih lai. Nurse zong Covid-19 zawtnak a nei mi he hmunkhat ah an rak umti ruang ah a dang tein an chiah ve lai.

Nurse cu a riantuan nak in an dinh ter cang. Covid-19 lak in an chuah zalen bak in hremnak pek ve a si lai. An hmanthlak le an min langh ter cu phunglam nih a duh lo caah kan langh ter hna loh.
Credit : Biate Mizoram

Be the first to comment on "Nurse Nih Siizung Ekinn Chungah Covid-19 I A Dam Lo Mipa Cu Nuamhnak Arak Cenpi Ning Cu Khuaruah Bak A Si Ko"

Leave a comment

Your email address will not be published.


*