Nuva Nun: Pasal aa ti mi nihcun hi hi theih bak ding

Nu tamdeuh hi cu tlawmpal te an lungre a theih caan ahhin awl tein tap a hmang mi an si tawn a ruang cu Pa bantuk in an lung thin ruahnak a thawng ve lo caah a si, Nu nih hin (emotional) ngeichiatnak timi hi pa nakin an ngei deuh i pa bantuk in a lungthin a thawng ve lo, Cu cu Pa nih theih piak thiam a herh tak tak mi a si. Pa nih zeihhmanh ah kan rel lemlo mi khi nu caah cun thil lianngan pi a si, cu caah pa nih nu a sining cu theih piakthiam a herh tak tak mi a si.

Nu tampi nih an duh mi Pa cu  a mah le a mah aa zumh mi (confident) a ngei mi pa hi an duh bik tawn hna , aa zumh mi ka ti tikah i uah i seihchia phun khi a si lo, a mah tawk tein a nupi le a fa le caah zumh a tlak mi, cathiam a si lo hmanhah a nupi le a fa le hna caah aa zumh bak mi hi a duh hna, Pa nih nu sin ah a tlinglonak tampi a chim ahcun nu cu a lung a thleng a fawi tuk mi an si caah a lung na dongter kho mi a si. cu caah cu Pa nih cun ma le sining cio in nupi le caah i zumh bak ding kha a poilo mi a si.

Pa nih kawi le kom hmai ahhin nupi chonh ning  hi i ralring a herh tak tak mi a si tachunnak ah na hawi le pawl he nan umti caah ah na nupi a um ve ahcun bia na chim tikah na nupi kha zeiral lo bantuk in bia chim hrim hrim hlah bia na chim ning hi nupi le cu zeihmanh an si lo, bia chim awk zong an tlak lo ti  phun  in na cawlcang ahcun , aw kan pa nih a hawi le hmai ah a ka zahpi tiah a fawituk in an ruat tawn caah lungfahnak in an that theu tawn. cu caah pa nih nupi le chonhning le kan tuaitam ning hna hi i ralring tak tak a herh.

Nu cu Dawt care a duh mi an si caah an bia kha tha tein ngai piak hmanh cu hmanh nihcun a lung na lawmhter tuk cang  i na biakam ahkhan fek tein dir law ka tuah lai na timi kha na chim bang khan tuah i zuam peng, nu nih an huat tak tak mi pakhat cu Pa nih a chim lawng chim peng i , a chim mi kha a tuah tak tak than lomi pa cu nu tam deuh nihcun an uar remlo tak tak hna ,pa nih na chim bang in thil na tuah ahcun na sinah  zumhnak a ngei lai i an dawt an tlaichanh khun lai i na sinah zumhnak in a khat lai  a caan ahcun kawikom bantuk in komh law cun nih cun i tlaichannak le dawtnak hri a fehter cu caah pa nih nu thinlung ruahnak theihthiam piak hi chungkhar nunnak ah a herh tak tak mi a si.. by Nuva nun Editor

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

 

Be the first to comment on "Nuva Nun: Pasal aa ti mi nihcun hi hi theih bak ding"

Leave a comment

Your email address will not be published.


*


error: Content is protected !!