Obama USA a hrawh dih tuk President a si lio ah a rian ttuanti hawi sualnak hmuh piak an si cang

Department of Justice: Michael Flynn Sualnak Ngei Lo. Michael Flynn timi pa hi US Army Lieutenant General a si. Obama chan lio ah Director of the Defense Intelligence Agency a rak tuanmi a si. ISIS ralhrang kongah Obama he an ruahnak a rak i kalh. Michael Flynn nih cun Syria ram ummi ISIS ralhrang pawl hi an ci hmih dih a rak duhmi a si. Mah ruangah Obama he an ruahnak a kalh i, a rak i phuakmi a si.

President Donald Trump nih Michale Flynn hi a fit ngai caah a rak uar ngaimi a si. Vice Presdient tiang thim dingah a rak duh nain Mike Pence tu Vice President ah a thim than i, Michael Flynn cu National Security Advisor ah a thim.Michael Flynn cu President Trump le Obama President an i chan transitional period ah Russia cozah minung hna he pehtlaihnak an ngei, phone an i chawn, Vice President Mike Pence zong a hlen ti in FBI nih sual an phawtmi a si.

Michael Flynn nih biaceihtu sin ah biachahnak tuah rih lo dingah a nawl. Cun Flynn nih a sihni pa kha a phuah i, amah a bawm zungzaltu, Sidney Powell cu a sihnih ah a hlan. Michael Flynn sihni hna nih documents thar an khawmhsuat than i, minung kut in ttialmi note pakhat an hmuh. Mah note cu media kip ah mizapi theih ding in an phozar. Mah note a tialtu cu FBI Counterintelligence Division ah Assistant Director a tuahmi, “Bill Priestap” si dawh a si an si. Mah note cu Michael Flynn interview an tuah hlan deuh ah a hawile FBI pawl sin ah a tialmi ca a si an ti. Mah ca a tialmi ahcun: “What’s our goal? Truth/Admission or to get him to lie, so we can prosecute him or get him fired? If we get him to admit to breaking the Logan Act, give facts to DOJ & have them decide. Or, if he initially lies, then we present him [redacted] & he admits it, document for DOJ, & let them decide how to address it” tiah an tial.

Mah ca nih a fianter mi cu FBI pawl nih Michael Flynn cu lih chimter asiloah a rian in phuahter hi an i tinhmi si dawh bik a si. FBI nih hin Michael Flynn nih ka sual a ti duh lo ahcun a fapa zong a sualnak kawl i, tazacuai chih ding in an timhmi zong an hmuh chih fawn. A ngaingai tiah cun Michael Flynn nih Russia cozah palai pawl a chonhmi hna hi a phung a si ko. Zeicatiah cozah hlun in cozah thar i thlen caan a si caah Logan Act timi upadi a buar lo tiah a timi zong an um.

Tuchun ah Michael Flynn cu Department of Justice nih tazacuai lo dingah bia an chah piak cang. Michael Flynn nih a dihmi phaisa vialte le sihni a hlanmi man vialte cu FBI nih an liam te theo lai.

Michael Flynn hi Obama chan lio ah Obama minung pawl nih thil sual an tuahmi le ISIS kong i an ruahnak a kalh ruangah an rak huat ngaimi le an rak tih ngaimi zong a si. A um kalna kip ah Obama minung FBI pawl nih an zulhdawi pengmi an si an ti. Donald Trump caah election campaign a tuah piaktu le a bawmtu a si lawng si loin President Donald Trump cozah riantuannak a bawmh khawh tuk lai ti an hngalh caah atu bantuk in a sualnak a kawlmi si dawh bik a si an ti. Michael Flynn tazacuainak nih a fianter mi cu Obama nih zeitluk in FBI a nawnnok timi le FBI chungah hin Obama minung tampi an i hrolh rih i, President Trump le a minung pawl sual kawl thlak hi an i tim peng rih timi a fianternak pakhat a si. Credit- Salai Lairamthang

Be the first to comment on "Obama USA a hrawh dih tuk President a si lio ah a rian ttuanti hawi sualnak hmuh piak an si cang"

Leave a comment

Your email address will not be published.


*


error: Content is protected !!