Office I hmunphiak Tawn Tu Cu Kum 10 Hnuah Office I A Thu Mi Rian Sang Bik Ai Chuah


Zankhat thilkong zong ah nunning hi ai thleng kho colh mi a rak si ko. Atu i na dirhmun ruang ah hin hnabei dong le lungre thei ngeihchia in na can hmang hrimhrim hlah.

Dirhmun ṭha na co ruang zong ah puarthau in um len hlah, hmailei can ah zeithil dah kan phanh lai zeitin dah kan um lai timi cu a ho hmanh nih kan thei kho cio loh.

India, Kerala, Pathanapuram khua i a um mi kum 46 mi Anandavalli cu Office ah hmunphiak tu a si, thlakhat ah ₹2,000 zat hlawh in office a phiak tawn i meeting kaimi pawl caah lakphak a phaw tawn tu a si.

Cuti cun, kum 10 chung a ṭuan hnuah cun a hringnun vawlei cu phundang tuk in ai thleng. hmun arak phiah tawn nak office ahcun amah a thu cang. Lakphak a rak phawt tawn mi meeting a kai tawn mi minung vialte zong kha a mah nih a hruai cang hna lai.

Communist Party of India ah a lut i an khua hrangah ai zuam ve. A fel in a nuncan ziaza a ṭhat ruangah mipi nih an duh tuk i, December 30, 2020 ah vote result an phuan cu votes 654 in teinak a hmuh, Block Panchayat President ah an thim i a tling.

Hmun arak phiah zungzal nak office thut nak i a van thut mi cu mitthli tiang a luang kho. Anandavalli nih ‘tlawmpal cu ka zam deuh, ka rian zong cak deuh chin le feldeuh chin in kai zuam lai. ka mipi pawl hrangah a ṭhat khawh chung in kai zuam lai tiah a ti.

Credit: Meifar

Be the first to comment on "Office I hmunphiak Tawn Tu Cu Kum 10 Hnuah Office I A Thu Mi Rian Sang Bik Ai Chuah"

Leave a comment

Your email address will not be published.


*