Paletwa khua pawng ah AA le Cozah ralkap an i kaap than, Mipi tampi cu khuachungah an um ngam ti lo

December 9 arkhuang hrawng ah Paletwa khua pawng ah AA ralkap le Cozah ralkap an i kaap than tiah khuami sin in thawng kan theih. “Tuzing arkhuang 4:10 hrawng ah Paletwa khua pawng nitlaklei ah AA le Cozah ralkap an i kaap than. An meithal thawng fiang tein khuami nih theih a si. Suimilaam pakhat chung hrawng an i kaap. Hriamnam ngan mi an hman thawng zong aa thei,” tiah Paletwa a tlawng lio mi Salai Ceu Bik Thawng nih December 9 zing ah The Hakha Post ah a chim.

An i kahnak ah hmapu le aa hliam mi kong theih a si lo. Zaan 6:00 in zinglei 6:00 tiang leng chuah khap a si. “Paletwa khua pawng a si ca ah khuami ca ah thinphan le ralrin a hau. Nihin zong inn hleinga hrawng an umnak Miletwa khua hartong pawl sin ah va kal kaa tim i zeidek a lawh te hnga,” tiah Salai Ceu Bik Thawng nih a chim. Paletwa khua pawng ah India company lei in riantuan mi zong khuachung ah an luhter hna i cuticun ralrinnak an tuah tiah theih a si. Source:  The Hakha Post

Be the first to comment on "Paletwa khua pawng ah AA le Cozah ralkap an i kaap than, Mipi tampi cu khuachungah an um ngam ti lo"

Leave a comment

Your email address will not be published.


*


error: Content is protected !!