Pastor David Lah bialehnak le Court biachahnak

Canadian Pastor David Lah le a riantuan ti hawi U Wai Tun cu court hmai ah bia an hal than hna i , zeihmanh sualnak kan ngei lo an ti caah, Court nih bia a ceih hna hnu ah zeihmanh sualnak an ngei lo tiah upadi le biaceihtu hna nih bia a chah piak hna hnu ah , July 7  a dongnak bia an ceih piak than te hna lai ,tiah Local court officer pakhat nih a chim.

A liam cia mi May 20 ahkhan Pastor David Lah le a riantuan ti hawi cu a tu lio covid-19 ruang ah mipi hmunkhat in i pum le thlacam umti cu myanmar ram nih a khap ve caah Pastor David lah le a hawi hna cu thlacam hmannak an tuah i , hua tu hna cheukhat nih taza an cuai hna , Natural Disaster Management law hmang in an tleih hna i thawng inn kumthum chung tlak dingin bia ceihpiak an si.

Court nih voi2 tiang bia an ceih piak hna i june 3 a voi1 nak bia an rak ceih piak lio hna ah khan Court nih an bia cu a rak thah piak hna i ceih than ding in timhtuahnak an ngei than. Pastor David lah zong hi an tlaih hlan ah covid-19 a rak zaw ve i sii zung ni 7 a um a dam hnu ah an chuah than i thawng an tlak cawlh ve, thlacamnak hmun ah aa tel mi  minung 71 hna cu Covid-17 an ngei maw ngei lo a test hna i negative an si dih , cu ka ah Myanmar vice President U Henry Van thio le myanmar gospel singer Myo Gyi zong an i tel ve in an test ve hna tikah damlonak zeihmanh an ngei lo negative an si ve..

 

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

 

Be the first to comment on "Pastor David Lah bialehnak le Court biachahnak"

Leave a comment

Your email address will not be published.


*


error: Content is protected !!