Pathian fapa Jesuh ka si tiah ati i, zulhtu tampi a ngeitu pa cu Russian cozah nih an tlaih.

Russia ram ah upa pakhat kum 56 pa amin Sergei Porop a si i, mi tampi nih  Vissarion tiah auh tawn  mi pa nih kei mah cu Jesuh khrih ka si a thi i a tho than mi Pathian fapa ka si tiah, a mah le mah cu aa ti i, zulhtu zong tampi a ngei cang mi pa cu Russia a cozah nih court ah a bia ceih ding in an tlaih.

Hi pa hi an biakinn ah upa hruaitu a si i, a mah a zulhtu hna sinah Pathian nih a thlah mi a fapa ngei chun thihnak in a tho than mi Jesuh Khrih kha ka si,  Bible nih a chim bang in mi fapa cu ni hmanung bik ah a ra than lai a ti bang in a ra than mi cu kei mah hi ka si, Bible hmang in mi a cawmpiak hna i, bible a hman caah a zumhtu le a zulhtu hi minung 5,000 reng lo an si. Russian National Guard le Vladimir Putin nih a fial mi hna special force FSB hna nih an tlai hnu ah a bia ceih piak ding in thawng inn ah an chiah lio a si.

An tlai hnu ah a kong lam a hlathlai tik ah, a nih hi nupi pahnih le, fa 6 a ngei mi a si, a nupi Pakhat cu, a tthen, hnu ah a zulhtu a si mi nungak kum 19 nu cu nupi ah aa lak than mi a si, Pathian nihhin vawlei ah minung sualnak vialte cu thianhpiak ding a ka thlah mi a si tiah a chim, Jesuh a nu Mary kha ka nu a si, Pathian nih tuah ka ti mi lawng ka tuah tiah biahaltu hna cu a leh hna, amah a zumhtu hi Germany ram le European ram tampi zong ah a um tiah theih a si rih. Daily Mail .com.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Pathian fapa Jesuh ka si tiah ati i, zulhtu tampi a ngeitu pa cu Russian cozah nih an tlaih."

Leave a comment

Your email address will not be published.


*


error: Content is protected !!