Pathian min cu sunglawi chinchin seh. Saya David lah cu Pathian nih Coronavirus a tei piak hnuah siizung in a chuak cang

Atu lio coronavirus zawtnak ruangah kawlram chungah Pathian rian ttuanmi tampi zong an buai ngai i, a cheu cu tazacuai tiang an tawn, natein zumtuhna caah a tlai bal lo mi Pathian nih a rian ttuantu hna cu a dirpi tawn caah an cungah Pathian sungparnak a lang tawn. Saya David Lah zong tazacuai a si ve, natein atu cu a luat cang tiah thawngthei a si, mah kongah kawl phungki hna cu an lungtlinglonak tampi an ngei caah social media ah an lungtlinlonak an au chuahpi ngai ti zong kan thei

Saya David Lah nih amah a rak umcangnak Siizung WeiBaGi caah a herning in hmang ding in kawlram tangka ting 100 a bawmhna i, amah zong siizung in a chuak cang i, zahan zanlei suimilam 5:00 hrawngah a chuak tiah theih a si. Mah bantuk in damlomi zohkhennak ding caah tangka ting 100 a bomh mi hi a sunglawi tak tak mi a si caah, Saya David Lah zong Pathian nih a rian ttuan ding in a pek ning bantuk in a ttuan khawh lengmang nak ding caah zumtu vialte nih fakpi in thla kan cam piak a her ngai-Credit: The NgephesizĂ´ Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Pathian min cu sunglawi chinchin seh. Saya David lah cu Pathian nih Coronavirus a tei piak hnuah siizung in a chuak cang"

Leave a comment

Your email address will not be published.


*


error: Content is protected !!