Pathian nih a ka fial a titu pakhat pa nih cu MRTV i riantuan tu pu kap hleipiang cu a hngawng a tan

Chin ramkulh Falam peng Rihkhawdar khua ah i thah nak tihnung tuk mi a phan i, lainawng tu nih cun a mi thah mi cu vawi tamtuk a chuih hnu ah a lu a tan piak.

November 3, khuamuih ka te ah a cang mi thil a si i, Rih MRTV i rian a tuan mi Pianga cu thlanglei laitlang pa nih a thah. Lainawng tupa cuTluangtea lung rialnak hmun i riantuan mi a si i, Pathian bia a buaipi ngai mi pakhat a si tiah khawmi pawl nih cun an chim. Tutan iPianga a thah mi zong hi, pathian nih a ka fial mi a si tiah a vhim i midang zong ka thah rih hna lai tiah a chim than. mi cheukhat nih cun khiachia nih a hman mi a si lo vun a thluak a tling lo le silai tiah an ti i Pianga a tha mi zong hi vawi tamtuk a chuih hnu ah a lu a tan ti a si. A lu le taksa cu hmun dangdang ah hmuh a si i rapthlak tuk le tihnung tuk i thah nak a si.

Thil cang mi he pehtlai in,Rihkhawdar mipi cu an thinhang tuk i lainawng tu cu thah ve i a ci tiang hmih an duh nain, palik kut chung ah a um ruang ah a si. Mipi pungkhawm pawl nih cun tualthattu muihmai cu mipi hmuh dingah van chuah pi uh tiah an au chih len. Palik lei pawl zong mipi kham nak ah an buai tuk hringhran ti a si.

Be the first to comment on "Pathian nih a ka fial a titu pakhat pa nih cu MRTV i riantuan tu pu kap hleipiang cu a hngawng a tan"

Leave a comment

Your email address will not be published.


*


error: Content is protected !!