Pathian Riantuan Mi Profet Pa Nih Nu Pakhat A Sualpi Hnu Ah A Chiatha Cu Faktuk In A Sawksam

India ramah suapiltu cu faktak in hremding an ti nain, tleihhrem buainak cu a karh chin lengmang ko. Jharkhand’s Chatra district i a um mi nuthlawi kum 50 mi cu nithum zan ah an tleihhrem. Kobna khaute i a um mi a si i amah lawngin aum.

Vengchung tlangval 3 nih an luh hnawh i a duh lo bu bak in an tleihhrem. Duhtawk in an sualpi hnuah a serh chungah thirkual saupi an luh ter i a thihnai zong tampi a chuak. An khua mipi nih an theih bak in, sizung ah an tlikpi colh i an zohkhenh cuahmah lio a si.

Sibawi nih a dirhmun cu a chia tuk e a ti. A thleihhrem tu i an min cu an tleih khawh cang i an min cu, Bablu Paswan le Bittu Paswan an si, pathumnak cu arak zam manh cang ruangah palik pawl nih tleihkhawh ding in an zuam cuahmah lio a si.

January 3 zan zong ah tleihhrem nak a rapthlak tuk mi a phan cang. Uttar Pradesh i a um mi nu upa lei deuh cu thlacam dingin khuapawng i temple ah ava kal.

Asinan, temple chung i a um mi tlangbawi le a kuttang pa 2 nih an rak tleihhrem. An tleihhrem hnu ah a serh chung ah thirkual an hruk i a hliamhma tuar kho loin a thih phah.

A keruh le a hnakruh zong a kiak i a chunglei hma zong a fak tuk an tii, postmortem an zohnak ah an hmuh. Tleihhrem tu pa 2 cu an tleih cang hna i a hruaitu bik tlangbawi Mahant Satya Narayan cu arak tlaumanh diam.

Asinain, palik pawl nih an kawl tuk hnu nili zan ah ai thuh nak in chunh ah an va tleihmanh. Ai tlak ning in hremnak pekding a si. . (Indiatimes)