Pathian zum lotu (Atheist) Italian Sibawi Dr. Julian Urban nih Covid-19 zawtnak a zoh khennak in Pathian a zum: Pathian rian ttuan ning a mah tuk hringhran ee!

Atulio thawngpang cu thawngpang chia lawngte a si ko, natein thawngpang chia lakah thawngpang tha zumtu caah a um ve. Cu cu Italian sibawi Dr. Julian Urban nih Covid-19 zawtnak a zohkhennak in Pathian a zumnak kong a si. Mah bantuk in Coronavirus ttih nungtuk mi nih an ram mipi tampi a that thluamah lio ah minung lei in zeihman tuah khawh kan ngeih ti lo, Pathian sin ah bawmhnak hal lo ah cun ttin Pathian a au ve cang.

Kum 38 a si lio mi, sibawi Dr. Julian Urban hi Lombardy, Hospital Italy ah Covid-19 zawtnak a ngeih mi pawl zoh khen in mipi an dam khonak caah fakpi in rian a ttuan lio mi a si. Atu Italy ah Coronavirus ruangah thil a cang mi a chim ning ah cun, “Mah bantuk thil (mangchia) hi ka hmuh bal lo, ka hmuh lai ti zong ka zum lo. Zarthum a liam cia mi thil ka zoh ah cun, mah bantuk thil hi cu ka ruahnak zong nih aphak lo. Mangchia cu a kar chin lengmang i, ti lian bantuk in a lian chin chin” tiin a chim. Coronavirus ruangah zawtnak tlawmte a ngeih mi kha chikhat teah mi tampi an vun si cang ko.”

Atu cu sibawi zong ka si ti lo, a rau hlan ah a ho dah a thi lai i inn lei ah a ruak he a kal lai, a ho dah a nung lai, an dam lio ah Italy nungkhuai a pe mi lawng te an si”  A luangcia zarhnih hrawng ah kha cun, ka hoi le keimah hi Pathian zum lotu kan si. Science kan cawnnak ah cun Pathian a um lo ning fiangtein kan cawn. Ka nu le pa Biak inn ah kal lio ah ka nihsawh tawn hna. Natein ni 9 a luang cia hnuah khan pa pakhat, kum 75 a si lio mi, Pastor rian ttuan mi cu coronavirus ruangah siizungah lu pi a si. Mi tha tuk mi a si. Thaw lei ah harnak a ngei mi a si tiin Dr. Julian nih a chim.

Mah pastor kum 75 a si lio mi nih cun a kut ah Bible a keng i, mah bantuk in a dam lo buin, a thi thluamah lio ah Bible cu a rel. Sibawi vialte hna cu kan tha a di tuk cangi, kan cawlcang kho ti lo. Hnabeidong in kan um dih. Lungthin lei zong si se taksa lei zong si seh thazang kan ngeih ti lo. Mah bantuk in kan in dinh lio ah cun, mah pastor pa a thi dengmang mi Bible a rel mi cu kan zah in kan ngaih. Kan thazang a dawng cik cek cang. Zeihman kan tuah kho ti lo. Mi tampi an thi thluamah. Kan rian ttuanti sibawi pahnih cu kan pawngah an thi, kan  rian ttuanti tampi hna cu mah zawtnak nih an nih chonh thluamah. Mah bantuk dirhmun ttih nung tuk mi le zeihman tuah kho lo ah kan um lio ah, kan lung a hun fim i, Pastor pa Bible a rel mi kan ngai hnuah cun Pathian sin ah fakpi in thla kan cam i, Pathian bawmnak kan hal”.

Ka hoi le he bia kan in chon lio ah, thil mak tuk mi zum kho lo mi cu ma hi a si. A hlanah cun Pathian zum lotu kan si, natein mah bantuk in Pathian sin ah fakpi in thla kan cam hnuah kan lungthin ah hnangamnak, dainak a um thluamah i. Pathian sin ah thla kan cam chin lengmang i, mah hnuah cun coronavirus zawtnak angeih mi hna cu thatein kan zoh khen khawh hna. Mah hnu tlawmpal teiah Pastor pa, kum 75 a si lio mi cu a thi. Zarthum chungah kan siizungah a thi mi minung 120 leng kan ngei hnu ah, zei thil hman nih a kan hrawh kho ti lo thil kan tawn. Cu cu Pastor pa mah bantuk in a zawh mi nih lungdainak, hnangamnak kan kawl tawn mi kha amah nih siizung ah a vun put. Pastor cu Pathian sin ah vancungah a kal cang i, kan mah zong a rau hlan ah a hnulh kan zul ve lai. Atu cu Patthian zum tu kan si cang. Source: GOD TV

Be the first to comment on "Pathian zum lotu (Atheist) Italian Sibawi Dr. Julian Urban nih Covid-19 zawtnak a zoh khennak in Pathian a zum: Pathian rian ttuan ning a mah tuk hringhran ee!"

Leave a comment

Your email address will not be published.


*


error: Content is protected !!