Pei le Zaa bang in, Leh le Thal A si Cang Lai

Ted Cruz le Senator-20 le Texas nih Supreme court an nawl mi hna cu a tlamtling cang

Tu tiang US supreme court nih 2020 Election ah zeihmanh bia le hla a ngei lo, mi tampi nih tu tiang Supreme Court a thlak lo mi hi zeidah a ruang a sihnga ti le Ted Cruz nih US Supreme Court sin ah ca a kuat mi, “2020 Presidential thimnak kong a buai tuk mi cu nan nawlngeinak hmang cang u’ tiah a tial mi hlawt piak a si nak kong le a hnuah Supreme Court thawngthanhnak

US supreme Court nih a cohlang lo mi kongah comment ah bia halnak tampi nan vun tuah caah mah kong he thil sining fiangtein vun tial ka timh mi a si. US hi ram pical tuk mi a si caah US kong hi kan theih a herh mi a si fawn caah fiangtein kan theih khawh  nak ding caah ka vun tial lai

Atu hi avoihnihnak ding caah Ted Cruz nih US supreme Court sin ah ca a kuat than hna. A voihkhat a kuatnak ah US supreme court nih  a cohlang piak lonak ruang bik cu State Court nih biakhiahnak zeihmanh fiangtein a tuah lo caah a si.

US state Court nih biakhiahnak thatein a tuah hnuah US Supreme Court ah chuahpi ding a si ti ruangah Ted Cruz nih a chuahpi mi cu hlawt le hnawl piak a si

Atu a voihnihnak ding caah Texas Senator a si mi le sihni a si mi Ted Cruz nih US supreme court cu constitutional Challenge a tuah than hna.  Mah bantuk in US supreme Court sin ah Challange a tuah thannak a ruang bik cu Pennsylvania kong hi a si.

Ted Cruz nih a chim ning ah cun US election kongah buainak a um ah cun,  US supreme Court nih State supreme court le Circuit court pawl cu overrule a tuah kho i, buainak kong cu a kut tangah a lak khawh tiin a chim

Pennsylvania buainak kong hi US constitution nih a chim ning bantuk in US supreme Court nih a lak ding a si cang tiin a chim chap rih.

Atu hi a voihnihnak ding caah Pennsylvanian buainak kong he US supreme court ah taza a cuai than . US supreme court nih Pennsylvania state kongah supreme court judge an chiah mi Judge Samuel Alito nih cun US supreme Court nih cun mah buainak hi phisin ding in timh cia in kan um cang tiin a chim.

Natein buainak fakpi a um than lai tiah zumh a si. Pennsylvania supreme Court nih cun Act 73  hmangin State Court nih a dihlak in final a tuah hlan ah. US supreme Court nih mah buainak a lak ah cun phunglam buar a si lai tiin thawngthanhnak an tuah than

US supreme Court nih atu buainak kong he pehtlai in Ted Cruz taza cuai mi cu pending ah chiah a si lai tiah zumh a si caah Republican Senator le congressman hna an lung a tling kho bak ti lo,

Atu cu Senator le Congressman minung 20 nih US supreme court nih mah buainak hi a phisin ding a si cang tiin Supreme court ah an chuahpi than cang.

Atu mah bantuk in Senator pawl le Congressman pawl nih an chuahpi mi ah hin Senate Judicial Committee member vialte an i tel ve cang caah US supreme Court Chief Justice John Robert nih a cohlang duh lo asi ah cun, phunglam buar in buianak kong ah a thlak duh lo ruangah a rian in phuah khawh a si lai ti a si

Mah Chief Justice Robert kong caih ding mi hna cu Senate Judicial Committe hi an si than  lai. Mah bantuk in Senator le Congressman minung 20 leng nih US supreme Court ah an chuahpi mi hi cohlang a si lai tiah zumh a si, natein tu tiang Supreme court nih zeihmanh biakhiahnak a tuah rih lo.

Cun Texas State nih Supeme court ah tazacuainak a chuah pi than caah US Supreme court nih biakhianak a tuah cang i, thaizing tiang, Election kongah taza cuai duhmi an um ah cun US supreme court ah ap khawh a si lai tiin. source-Theepochtimes, NTD, Breitbart

Note: Lih le hrokhrawl thawngpang tial kaa tim lo. Thawngpang ka rel mi le mi dang nih an ttial mi credit ka pek mi hna hi source a hmaan mi a si maw ti ka zoh hnuah mah hi cu a hmaan mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralring tein ka ttial zong ah Source ka lak mi ah a hmaan lo mi a um kho mi a si.

Source ka lak mi, a hmaan lo mi a um ti nan theih ah cun zeitik caan poah ah ka theihter kho ulaw, cun keimah ca zong ah ralrinnak a ka pe khotu a si hlei ah ka source kha thatein ka zoh nak ding a si lai caah le thawngpang a hmaan mi le dik mi lawng ka thlahpeng khawhnak ding caah tiin zaangfah kan nawl hna.Lunglomhnak tam pi he’n.

 

Be the first to comment on "Pei le Zaa bang in, Leh le Thal A si Cang Lai"

Leave a comment

Your email address will not be published.


*