People’s Choice Award (2019) caah Dr. Sa Sa an thim mi cu soisel ding a um hrim lo; Aruang cu

Tutan CCN nih Dr. Sa Sa an thimh mi cu soisel ding a um hrim lo,  aruang cu; CCN nih a tuah mi 2019 People’s Choice Award cu Dr. Sa Sa nih a hmuh tiah Chin Cable Network Channel nih official in an tarlangh cang. Hi kong he pehtlai in CCN nih ” CCN Channel nih 2019 Chin mi chung ah an mah le an pahrang cio in miphun a cawisangtu le mipi nih uar mi mintar cio ding in thawngthanh nak kan tuah. Mipi nih tampi tar cio mi chung in tambik mintar mi pahnih cu zapi sin ah kan vun langhter. Mintar tambik pahnih Dr. Sasa le Esther Dawt Chin Sung cu mipi nih thim than a si i Dr. Sasa nih CCN People’s Choice Award cu a co” tiah an tarlangh.

Dr. Sa Sa cu Chin miphun nih kan i chuanvor ngai mi kan pasalttha a si. Health and Hope timi a dirh i Chin ram ah ngandamnak lei rian a ttuan. Cu lawng hmanh si loin Chin ram thanchonak caah chunmang ttha tampi a ngei mi le a chunmang tlamtlinh khawhnak ding ah biatak tein aa zuam cuahmah mi a si. Atu a mah hruainak in Lailenpi ah Airport sak cuahmah a si i tukum chung ah lim ding in tawlrel cuahmah lio zong a si.

Cu bantuk in Esther Dawt Chin Sung zong hi Myanmar Idol Season 4 ah Winner an kan co piak tu a si i Myanmar Idol aa zuamnak thawngin mipi nih an uar ngai ngai mi ah a hun cang ve. Tutan CCN nih a tuah mi People’s Choice Award ca zong ah mipi lei in vote tampi a hmu ve tiah an mah CCN nih cun an tarlangh. CCN Awards peknak cu January 25, 2020 ah tuah a si lai. CCN facebook page in live kan thlah te lai tiah an mah CCN nih official tein thawngthanhnak an tuah hi a si.Source & Credit: CCN Channel 

Be the first to comment on "People’s Choice Award (2019) caah Dr. Sa Sa an thim mi cu soisel ding a um hrim lo; Aruang cu"

Leave a comment

Your email address will not be published.


*


error: Content is protected !!