Pharoah siangpahrang kan tei bantuk in Coronavirus hi Pathian bawmhnak in kan tei lai-Benjamin Natanyahu (Isreal Prime Minister)

Coronavirus nih kan vawlei cung cu muinak chungah a kan lu pi tak tak cang. mi sifak, mirum, muidawh, muichia zong thleidannak ngeih lo in mi kip cungah a duh ning bantuk in harnak pek ding in nawlhngeih bik mi ka si ti bantuk in ram tampi cu lockdown in a tuah hna i, mi tampi cu home quarantine in a chia hna. Mah bantuk thil a si cang caah zumtu nih kan tuah khawh mi lam pakhat a um cu cu, Pathian sin ah fakpi in thlacam a si

Atu hi Isreal ram ah mah zawtnak a ngei mi hna hi 3,035 an si cang i, a thimi 11 an um cang. Isreal Prime Minister Natanyahu bia chim mi nih zumtu tampi thazang a pek ngai. Press Conference a tuah nak ah a chim mi cu. Natanyahu nih unau pakhat mah coronavirus in kham hi vawlei kham bantuk hi a si tiin a chim. A chim duhnak bik cu atu lio zawtnak hi i chonh a fawituk caah pakhat nih mi tampi kha a chonh khawh mi thil a si caah, mah pa kha kan kham khawh ah cun vawlei minung tampi nih mah zawtnak hi kan ngeih lai lo tiah a chim duhnak a si

Mi pakhat nih mah zawtnak a chonh ah cun vawlei minung vialte i chonh bantuk khi a si tiin a chim. Cucaah Isreal mipi cu leng chuak loin inn ah um i tim hna u si tiin Isreal mipi hna sin ah nawlnak a tuah. Cun Bible Deuteronamy 4:15 cu a rel i. “Cucaah tha tein i ralring tuah u” hi mipi ralring tein an um khawhnak caah a rel piak hna

Mah zawtnak hi zeitik ah adawn lai ti a theih lonak kong a chim. Isreal mipi hna cu a hlan ah mah bantuk zawtnak a rak tlung lio ah khan zeihman harnak kan tawn ve lo i, mah Black Plaque. Cholera le Spanish flu hna lio ah khan Isreal mipi hna cu mah zawtnak nih kan sin a phan ve lo. Natein atu Coronavirus nih cun kan sin a rak phan ve cang.

“Mah coronavirus zawtnak hi zeibantuk in dah kan tei khawh lai ti hi kan ruahnak nih a phak ti lo. Isreal mipi hna cu mi Pathian nih a thim mi pakhat kan si. Ram pakhat a ngeih mi kan si. Cucaah hmunkhat in rian ttuanti kan her cang” tiin a chim. Atu hi Isreal ram nih caan hartuk mi kan tawn lio a si. Mah nih hin thaazang tampi a kan pek. Ruachannak tampi a kan pek. Zei bantuk in kan caah  ahar in ttih nung lio zongah Pharoah ral kan teih, mah bantuk in atu coronavirus zong hi Pathian bawmnak le Isreal mipi bawmhnak in kan tei lai

Be the first to comment on "Pharoah siangpahrang kan tei bantuk in Coronavirus hi Pathian bawmhnak in kan tei lai-Benjamin Natanyahu (Isreal Prime Minister)"

Leave a comment

Your email address will not be published.


*


error: Content is protected !!