Pre Wedding Hmanthlak Phundang Taktak A Pholangtu Nupa Hna Nih Hi Bantuk I Hman An I Thlak Nak A Ruang Cu An Phuan Khuaruah Har Ngai A Si

Nupi pasal neih ding in cun pre wedding hmanthlak cangkang tuk mi tarlangh cio a sinain, Philippines i ai duh mi pahnih cu phundang ngai in pre wedding hmanthlak an tuah. Pre Wedding hmanthlak cu January 4,2021 i an tarlangh mi a si.

Thilpuan dawh le hmunhma nuamh nak ah hman i thla loin, lolak fang phunnak ding hmunah an kal i Pre Wedding hmanthlak nak an va nei. Anmah cu Philippines ram Leyte Province Ormoc City i a um mi an si.

pa min cu Johncee Gutierrez a si i nu min cu Imme Borinaga a si. Kum 22 veve an si i a kum in ai duh cang mi an si. 2019 ,October thla ah khan i ham nak an rak nei cang i, tuthla chung ah hin ai um cang ding an si.

Lo lakih Pre wedding hmanthlak an va neih nak a ruang zong hi, lo riantuan tupawl upat nak ding caah le an riantuan an tha nuam ve hna seh tiah an duh nak cu a si anmah nupa nih hin fiangten an chim mi a si.

Lo lak ahcun nu nih hin bawli le bawngbi tawi ai hruk i pa nih bawngbi tawi ai hruk ve cuhnu ah an taksa dang a lang mi cu cerhcet an boih dih ti a si.

Nu deuh Imme nih cun “Lo riantuan tupawl upat pek cu ka duh bak mi a si, mahcucu zeitluk in dah thazang an chuah i thaba in rian hi an tuan mahcucu cerhcet lak ah mipi ei awk caah rian an tuan mi hi langhter ka duh caah a si.

Cuti cun, lo riantuan pawl cu soisel le thangchiat nak tong loin rian an tuan kho lai. Mah cu ruang ah Pre Wedding hrang hi lo lak i hman kan i thlak mi hi a si” tiah a ti.

Pa Johncee nih cun “Caan ai thleng lengmang mi ah lo riantuan mi hi zeitin dah an cawl cangh, zeitin dah rian an tuan i mipi caah eiding an chuah piak hna timi cu kan langh ter duh ruang ah kan i thlak mi a si” tiah a ti ve. ( Kapook ,Enva )

Be the first to comment on "Pre Wedding Hmanthlak Phundang Taktak A Pholangtu Nupa Hna Nih Hi Bantuk I Hman An I Thlak Nak A Ruang Cu An Phuan Khuaruah Har Ngai A Si"

Leave a comment

Your email address will not be published.


*