President Donald Trump le Lebanontlang Siidar Thingkung

Hi hlan zong ah kan rak ttial cang mi a si. Atu Electoral pawl nih vote an thlak hnuah Georgia State chungah County dihlak cu vote rel than a si lai. Tutan hi cu voidang bantuk men in vote hi rel sawhsawh lawng a si ti lai lo, thatein signature audit an tuah dih lai

Trump zong nih heh tiah social media ah a rak chim tawn mi le a tial tawn mi kha a si. Georgia State ah Governor le State Sacretary hi republican an si, Trump hi theihtawkchuahin a rak bawmtu mi hna kha an si.

Electoral vote an thlak hlan ah Trump nih signature audit tuah ding in heh tiah a rak ti hna. Natein an tuah duh lo, atu cu Michigan ah Dominion Voting Machine forensic audit an tuah hnuah thil dik lo tampi an hmuh ti an chim le phuang a si hnuah,

Senate hearing ah vote hlenning a tam ning heh tiah langhter a si thluamah cang caah mah bantuk in signature audit tuah ding in Secretary of Georgia nih thawngthanhnak a tuahnak hi a si.

Georgia Secretary of State Brad Raffensperger nih hi thawngpang hi press release ah achim, phuang Nikhat Ni/Monday ah Cobb County, Georgia State ah County sang bik mi ah signature review tuah ding in nawlpek an si.

A chim ning ah cun, tu tan Election hi zumhawktlak a si ti kan cohlang cang tiin a chim. Washington DC, pundits sin in thil dik lo le deh hlennak a um ti kan theih zongah Georgia State ah mah bantuk hlennak le dik lo in thil tuah mi kan hmu lo

Zeibantuk dirhmun a va si zongah Georgia voting system cu zumhtlak a si cang ti langter nak ding caah University of Georgia he signature match review kan tuah lai, tiin a chim. Source-Theepocchtimes

Note: Lih le hrokhrawl thawngpang tial kaa tim lo. Thawngpang ka rel mi le mi dang nih an ttial mi credit ka pek mi hna hi source a hmaan mi a si maw ti ka zoh hnuah mah hi cu a hmaan mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralring tein ka ttial zong ah Source ka lak mi ah a hmaan lo mi a um kho mi a si.

Source ka lak mi, a hmaan lo mi a um ti nan theih ah cun zeitik caan poah ah ka theihter kho ulaw, cun keimah ca zong ah ralrinnak a ka petu a si hlei ah ka source kha thatein ka zoh nak ding a si lai caah le thawngpang a hmaan mi le dik mi lawng ka thlah peng khawhnak ding caah tiin zaangfah kan nawl hna. Ka thawngthlah mi arak ka bih zoh piaktu u le nau nan dihlak cungah lomhnak tampi ka nei.

Be the first to comment on "President Donald Trump le Lebanontlang Siidar Thingkung"

Leave a comment

Your email address will not be published.


*