President nih Mask sernak company a tlawnnak ah Mask a hmang duh lo caah fakpi in an soisel hnuah Trump nih US mip sin ah bia pakhat ka chim duh caah a si tiin a ruang a chim, Bia pakhat a chim mu

Uar um tuk hrinhrang, America mipi sin ah bia chim duh mi ka ngei caah Mask kha ka hmang duh lo mah bia ka chim duh mi cu, “America mipi kan dawt tu hna” ti bia hi chim ka duh caah a si tiin a chim.

Thei cia bantuk in President Trump nih Mask hi US ramchungah ser ding in nawl a pek hna. Mah Mask a sertu ding company Phoenix, Arizona State ah tlawnnak ah mask hi a hmang duh lo. Mah kongah mi tampi nih an soisel i an thanchiat ngai. Democrat pawl nih cun fakpi in an phomh cawlh.

Natein President Trump nih cun USA hi ka dawt i, USA mipi sin ah mah bia “I LOVE YOU” ti ka chim duh ruang ah Mask ka hmang lonak cu a si tiin fiangtein a chim.

President Trump le ABC News tawnnak ah President Trump bia chim mi hna…President Trump uar um ning hi cu, natein a huat mi caah cun mah bantuk in bia a chim mi hi an lung a fak hoi tthan lai!!! America ram chungah Coronavirus ruangah a thi mi cu minung 70000 leng an si cang. ABC News’ Host David Muir nih interview a tuahnak ah President Trump nih Coronavirus ruangah a thimi chungkhar sin ah bia a chim nak ah, Coronavirus ruangah chungkhar member nih mual a liam tak mi hna kha, Amarica ka dawt bantuk in nan cungah mah bantuk thinak a phan mi hi ka lung a fak tak tak, zan ah kei zong ka nghil kho bak ve lo, a hopaoh nih kan tuar dih ko hi tiin a chim

Trump nih America reopen le Coronavirus ruangah mithiam pawl nih thinak fakpi kan tawn tthan khawh an ti mi cu a chim i, a cheu ah cun thinak cu a tlung lo khawh lo, nawlngailo mi kan tam tuk i, Social distancing kan cawn lai i, kut kan ttawl lai i, atu caan raulo te ah thil a cang mi nih thil tampi a kan cawn piak lai. Kum 3 dang a ra ding mi ah hin mah le inn ah i erh peng in um khawh a si lai lo.

Nifatin her mi kan ngei. Kan ttuan a hau. Vaccine kan nggi khawhnak ding caah kan mithiam pawl nih fakpi in rian an ttuan lio a si. Vaccine a um maw um lo zongah a hlan bantuk in kan umnak caan a phan te lai. Natein kan lam cu a fawi lai lo. Minung 65000 hrawng a thi ding in kan ruat hna. natein a thimi an kar chin lengmang, minung lei ah kan tuah khawh mi zeihman um lo caah si. Kan mah nawl a si lo.

American mi vialte hna kan dawt hna. Kan tuah khawh mi vialte kan tuah. fakpi in rian kan ttuan. Harnak le buainak tampi tawn ding kan ngei. Kan tei thluamahko lai. America economy zong a thleng ngai cang. Chungkhar member nih mual a liam tak mi hna kan dawttu hrinhrang hna tiin America a dawt ning a chim.

Mah interview hi hi Phoenix, Arizona, Honeywell N95 mask plant a tlawnnak ah a si

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "President nih Mask sernak company a tlawnnak ah Mask a hmang duh lo caah fakpi in an soisel hnuah Trump nih US mip sin ah bia pakhat ka chim duh caah a si tiin a ruang a chim, Bia pakhat a chim mu"

Leave a comment

Your email address will not be published.


*


error: Content is protected !!