President Trump cu aho a si ti hngal lo mi nih Sivai aa tel mi thilfun a kuat.

Atu zarh hramthawk hrawng ahkhan President Trump cu a ho ti theih lo minih “package” thilfun pakhat Poison thihsi aatel mi (RICIN) cu kuat i Trump a sin  White House  a phan hlan ah, Trump a vengtu Secret Service nih an  tlaih i an zoh cu Poison aa telmi thilfun a si diam ko.

Mipi ruahnak ah a um mi cu hi thil hi Trump Thah a duhtu hna nih an tuah mi a si hnga maw tiah ruahnak an ngei cio, Hi thlifun hi White House ah pekding ti a si i, pek a si hlan ah White House riangtuantu hna nih check hnu ah Poison aa tel mi “Ricin” bete mu bantuk a si tiah CNN sinah ah an chim.

Investigators hlathlaitu hna nih an zumh ning ahcun hi thilfun hi Canada in rak kuat mi a si tiah law enforcement Official nih New York Time ah an chim.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "President Trump cu aho a si ti hngal lo mi nih Sivai aa tel mi thilfun a kuat."

Leave a comment

Your email address will not be published.


*


error: Content is protected !!