President Trump cu Joe Biden le a team pawl cu hnatlak pi cang ko ding in bia an cah cang.

Pennsylvania GOP senetor Pat Toomey nih President Trump cu President i thimnak kong ah Joe Biden le a team pawl cu hnatlak pi cang ko ding in bia a cah, atu ahcun US mipi le riantuantu tam deuh nihcun Joe Biden cu next President asi cang tiah thinlung ah ruah cio a si cang zeiti na buaipi len zong ah na chawve le na caan lam a dih ko tiin bia a cah.

Tuzarh Monday nih ahkhan Senate Majority Leader Mitch McConnell nih President Trump nihhin vote relthan a duhnak hi Proof  tehte a ngei ko ahcun vote relthan ding in request a tuah khawh, Democrats pawl nih President cu thimcang aupi cang ko hna hmanhsehlaw Court nih a ceih lai in vote relthan dirhmun a phan ahcun vote a teitu nih President cu a co thiamthiam ko lai tiah a chim.

Atu tiang dirhmun ahcun Trump a cawlcanghnak cu court hmanh nih cohlang piak ko hna hmanhseh Joe Biden cu 100% bakin atei tthan lai timi zumh khawh a si tilo, US mi tampi nih Biden cu next US President a si cang tiah an thinlung ah an chiah cang pinah Democrats pawl nih teinak Puai an au pi cang tik ah Trump a caah cun ruahchannak a tlawmtuk cang in alang.

 

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "President Trump cu Joe Biden le a team pawl cu hnatlak pi cang ko ding in bia an cah cang."

Leave a comment

Your email address will not be published.


*